Rama mbledh nesër Asamblenë e PS! Kush janë ministrat që pritet të lënë karriget në qeveri për të kandiduar në zgjedhjet e 9 majit

Gjiri i Lalzit këtë të shtunë nuk do të jetë në qendër të vëmendjes për turistët, por për socialistët, për shkak të Asamblesë që do të mbahet në një nga resortet e asaj zone.

Kjo Asamble ka ngritur shumë pikëpyetje dhe pritet me padurim nga socialistët, veçanërisht pjesa e fundit e fjalimit të kryetarit të tyre.

Ndërkohë, ndonëse në media dhe në emisionet televizive aludohet se Rama do të flasë për Veliajn, kryeministri pritet të përqendrohet te protesta dhe përgatitjet për zgjedhjet e 9 majit. 

Socialistët duket se do ta përqendrojnë vëmendjen te kryeqyteti, në mënyrë që të mos humbasin bashkinë më të madhe dhe më të rëndësishme në Shqipëri.

Këtë të shtunë, pritet dyfishimi i numrit të drejtuesve politikë të qarqeve, nga 12 në 24. Kjo lëvizje, me sa duket, ka për qëllim forcimin e pozicioneve të kësaj force politike përpara zgjedhjeve vendore të 9 majit 2027.

Ajo që pritet të shërbejë si një lloj "dhuratë për Vitin e Ri" për disa prej socialistëve është përmendja e emrave të tyre si kandidatë të mundshëm për zgjedhjet e 9 majit.

Ministrat që pritet të largohen nga detyra për t'u përfshirë në garën elektorale të 9 majit janë Ervin Demo (ministri i Brendshëm), Enea Karakaçi (ministri i Infrastrukturës dhe Energjisë) dhe Andis Salla (ministri i Bujqësisë).

VoxNews ka mësuar se këta emra po diskutohen në sondazhet e socialistëve. Surpriza është Ervin Demo, i cili përmendet si kandidat i mundshëm për Tiranën, megjithëse ende nuk ka rezultate të besueshme që të konfirmojnë apo të hedhin poshtë këtë kandidaturë për drejtimin e kryeqytetit.

Ndërkohë, Enea Karakaçit, drejtuesit politik të Partisë Socialiste në Shkodër, pritet t'i besohet edhe kandidatura për drejtimin e kësaj bashkie, të cilën socialistët e fituan me Benet Becin.

Bashkia e Elbasanit, e cila me ndarjen e re territoriale është shndërruar në një "superbashki" për shkak të bashkimit me Cërrikun dhe Belshin, pritet t'i besohet Andis Sallës.

Ish-kryebashkiaku i Cërrikut, i cili më pas mori detyrën e ministrit të Bujqësisë, pritet të rikthehet në garë për drejtimin e "superbashkisë" së Elbasanit.

Duket se zgjedhjet e 9 majit do të jenë për socialistët jo vetëm një garë për fitimin e bashkive, por edhe një test për të matur nëse ata e gëzojnë ende besimin e votuesve.

Në veçanti, beteja për Tiranën pritet të jetë një nga sfidat më të vështira për socialistët, ndoshta më e vështira që ata kanë përballuar ndonjëherë, që prej zgjedhjeve të vitit 2011, kur Edi Rama humbi drejtimin e Bashkisë së Tiranës pas 12 vitesh në krye të saj./VoxNews

Po ndodh...

10:06 EKONOMI&SOCIALE

Çim Beshiri themelon kompaninë që do të ndërtojë përbindëshin 65 kate tek Pallati i Kongreseve

09:47 AKTUALITET

Dyshohet se furnizonte sportistët me substanca dopingu, arrestohet vëllai i Pirro Dhimës në Greqi

09:41 MISTERE&KURIOZITETE

Çfarë dimë për rënien globale të Microsoftit? Miliona përdorues pa Outlook, Teams dhe Copilot

09:22 EKONOMI&SOCIALE

Përdorimi i drogës problem serioz për 79% të shqiptarëve

09:10 AKTUALITET

Ndryshon qarkullimi në hyrje të Tiranës, nisin punimet nga sheshi “Shqiponja” deri te nënkalimi i Limuthit

08:56 KOSOVA

Kuvendi i Kosovës përballë votimit për Ligjin e Speciales, duhen 61 vota për miratimin e tij

08:31 BOTA

354 të arrestuar në operacionin ndërkombëtar kundër Dark Web-it, sekuestrohen tonelata drogë dhe 152 armë zjarri

08:23 EKONOMI&SOCIALE

Këmbimi valutor sot më 13 nëntor, me sa blihen e shiten euro e dollari

08:19 BOTA

Ndërprerje globale e Microsoft, probleme me Outlook dhe Teams në disa vende të botës

08:07 EKONOMI&SOCIALE

Çmimet e ushqimeve në Tiranë, deri në 50% më të shtrenjta se në rajon, rekord bulmeti

08:00 JETË

Horoskopi ditor, e premte 13 nëntor 2026

07:57 AKTUALITET

Parashikimi i motit 13 Nëntor/ Rebeshe shiu dhe rrufe në disa zona të vendit

00:05 FJALEKRYQI

Skemë e lirë 13 nëntor

00:01 SPORT

Barcelona synon të thyejë rekordin historikë në La Liga

Dua të lexoj më shumë lajme