“Je e keqpërdorur si sifon”/ Sali Berisha fyen dhe intimidon gazetaren Lala, përpara SPAK-ut!

Sali Berisha u paraqit  sot në SPAK në cilësinë e kallëzuesit pa asnjë dokument me vete, për të cilën fillimisht pretendoi se ka pasur kohë për të mbledhur dokumentet.

Pyetja nëse ai sot ka dorëzuar ndonjë dokument për çështjen e Irena Gjokës u përsërit nga gazetarja Klodiana Lala, një moment që u shoqërua me tensione, pasi kryedemokrati iu hakërrye gazetares duke i thënë se është person i keqpërdorur.

Përplasja:

Klodiana Lala, NEWS24: Zoti Berisha, se ju e nisni gjithmonë duke akuzuar mediat, meqenëse u pyetët si kallëzues për herë të parë, a dorëzuat dokumente që ju i keni bërë publike këtu përpara nesh?

Sali Berisha: Unë ato dokumente që kam pasur, i kam dorëzuar në padinë që kam bërë.

Klodiana Lala, NEWS24: Tani meqenëse hodhët akuza ndaj medias që po mbrojnë persona të caktuar, mund të na thoni kë po mbron media?

Sali Berisha: Tani, tani të them unë ty. Ke lënë përshtypjen, jo media, po Klodiana, ka lënë përshtypjen me ca informacione që funksionon si një enë sifon e informacioneve...

Klodiana Lala, NEWS24: Na e shpjego pak zoti Berisha se kur ju djeg, ju gjithmonë gjeni një vend ku të gjuani?

Sali Berisha: Mua nuk më djeg asgjë. Mua nuk më djeg asgjë nga mashtrimet e askujt. Por ti që hiqesh si informante e këtyre se ke të dhëna, kush t’i jep të dhënat ty që i nxjerr ti?

Klodiana Lala, NEWS24: Unë jam gazetare zotëri. Mund të jeni edhe ju një prej atyre që më informojnë...

Sali Berisha: Nga unë nuk merr kurrë ti informacione. Pse nuk merr ti kurrë informacione nga unë? Se ti je e keqpërdorur. Kaq. Vetëm kaq.

Klodiana Lala, NEWS24: Zoti Berisha vazhdo, unë jam mësuar me sulme nën brez sidomos nga politika. Vazhdo zoti Berisha unë jam gazetare...

Sali Berisha: Unë edhe njëherë po të them ty, ti ke ardhur për këtë qëllim, po unë të them ty, ti je e keqpërdorur. E kepërqdorur në shkallë ekstreme. Klodiana Lala është një person që keqpërdoret në mënyrë të pamëshirë.
Ata që të keqpërdorinm kanë përgjegjësi, jo unë që respektoj gazetarët, por meqenëse e deshe, ta thashë. Ti je një nga gazetaret më të keqpërdorura zonjë dhe nuk të ka përgjegjësi as Sali Berisha, as opozita. Gjeje vetë përgjegjësinë.

Klodiana Lala, NEWS24: Jam përpara opinionit publik dhe mbaj përgjegjësi për çdo fjalë që them. Balta e politikës së vjetër mua nuk më bën pis.

Sali Berisha: Bravo, ti je fytyra e re e gazetarisë.

Klodiana Lala, NEWS24: Jam që ç’ke me të. A dorëzuat sot dokumente si kallëzues? A dorëzuat ju dokumente si kallëzues?

Sali Berisha: Kam dorëzuar të gjitha dokumentet në kohën e duhur dhe kaq. Stop!

Kujtojmë se Irena Gjoka është gjyqtarja që ka firmosur kërkesat e Prokurorisë së Posaçme në kuadër të hetimeve për dosjen “Partizani”, çështje në të cilën janë të përfshirë Sali Berisha dhe Jamarbër Malltezi.

Po ndodh...

10:09 POLITIKË

Padia ndaj Irena Gjokës, Sali Berisha dhe Jamarbër Malltezi dëshmojnë sot në SPAK

09:58 AKTUALITET

Pas hetimit për 2 800 tonë mbetje të rrezikshme, Ministria i heq lejen mjedisore kompanisë Kurum

09:56 RECETA ALFA

Thjerrëza malësie me gështenja

09:55 AKTUALITET

Stuhia spanjolle godet Shqipërinë? Meteorologia tregon kushtet atmosferike

09:53 AKTUALITET

Atentate tronditëse në Bruksel/ Vritet një polic dhe një shqiptar pranë Parlamentit Evropian

09:33 AKTUALITET

Ndeshja Shqipëri–Finlandë, ja rrugët që do të bllokohen në Tiranë

09:19 POLITIKË

Begaj dekreton zëvendësuesen e Vlora Hysenit, ja kush u vendos në krye të SHISH

09:02 BOTA

Të dërguarit e Trump mbërrijnë në Moskë, Kushner dhe Witkoff takohen sot me Putinin

08:37 POLITIKË

“Përplasja për pagat, pasoja për pavarësinë e gjyqësorit”, BIRN: Qeveria shqiptare përballë magjistratëve dhe prokurorëve

08:29 EKONOMI&SOCIALE

Çfarë po ndodh me monedhat e huaja? Ja sa shitet dhe blihet euro dhe dollari për ditën e sotme

08:26 BOTA

Përplasje të dhunshme në Spanjë, 170 mijë qytetarë në grevën e parë të përgjithshme pas 14 vitesh, kërkojnë strehim të përballueshëm

08:16 AKTUALITET

Kushte atmosferike të paqëndrueshme, parashikimi i motit për këtë të enjte

08:00 JETË

Horoskopi për ditën e sotme, 12 Nëntor 2026, njihuni me shenjat më me fat

00:00 FJALEKRYQI

Skemë e lirë 12 nëntor

Dua të lexoj më shumë lajme