Lajme flash
Ndërprerje globale e Microsoft, probleme me Outlook dhe Teams në disa vende të botës
13 November 2026, 08:19 / BOTA
Ndërprerja globale e shërbimeve të Microsoft ka prekur biznese, institucione dhe përdorues në vende të ndryshme të botës, përfshirë Kinën, Indinë, Japoninë dhe Singaporin. Kompania pranon se përpjekjet për rikthimin e shërbimeve nuk po ecin sipas pritshmërive, ndërsa Outlook dhe Teams vijojnë të shkaktojnë probleme.
Në Kinë, ku qasja në shumë platforma perëndimore është tashmë e kufizuar nga sistemi i censurës së internetit, ndërprerja ka krijuar vështirësi shtesë për kompanitë që komunikojnë me partnerë ndërkombëtarë.
Edhe në Japoni janë prekur disa sisteme të përbashkëta të teknologjisë së informacionit të qeverisë. Autoritetet bëjnë me dije se kanë aktivizuar mënyra alternative komunikimi, përfshirë telefonatat, mesazhet dhe platformat e tjera të komunikimit.
Në Indi, problemet kanë penguar komunikimin mes kompanive dhe klientëve, ndërsa disa institucione financiare kanë hasur vështirësi në zhvillimin e takimeve dhe marrjen e raporteve të rëndësishme.
Ndërkohë, autoritetet në Singapor konfirmuan se disa sisteme qeveritare janë prekur, por theksuan se shërbimet e emergjencës vijojnë të funksionojnë normalisht.
Microsoft bëri të ditur se një ngarkesë e lartë në infrastrukturën e saj ka shkaktuar probleme në serverë, duke rënduar funksionimin e sistemeve të mbetura. Kompania raportoi rikuperim të pjesshëm në disa rajone, por pranoi se ndërhyrjet ende nuk po sigurojnë rikthim të qëndrueshëm të shërbimeve.
Po ndodh...
Berisha, “Kali i Trojës” i Ramës për shqiptarët që nuk e duan
Nga Indrit Gjyzeli
ide
"RNB-BNB", si thirrje për t’i dhënë fund tranzicionit!
Nga Edison Lika
Pse Rama e ka humbur pushtetin?
Nga Irena Beqiraj
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128