Braho: Vetingu nuk është imunitet, gjyqtarët dhe prokurorët mbeten nën vëzhgimin e SPAK

Drejtuesi i Prokurorisë së Posaçme, Klodjan Braho, deklaroi se procesi i vetingut nuk mund të konsiderohet si një garanci apo “imunitet” për gjyqtarët dhe prokurorët në të ardhmen, duke theksuar se çdo veprim i mundshëm korruptiv do të mbetet objekt i hetimeve penale.

Gjatë ceremonisë përmbyllëse të procesit të rivlerësimit kalimtar, Braho u shpreh se konfirmimi në detyrë i magjistratëve lidhet vetëm me një periudhë të kaluar dhe nuk i përjashton ata nga përgjegjësia ligjore për veprimet e ardhshme.

“Konfirmimi në detyrë i prokurorëve dhe gjyqtarëve gjatë procesit të rivlerësimit i përket një periudhe të kaluar. Ky konfirmim nuk mund të shërbejë si ‘imunitet’ edhe për të ardhmen. Procesi i rivlerësimit ka përfunduar, por standardet e vendosura për kontrollin e pasurisë, të figurës dhe anës profesionale do të vazhdojnë të jenë të zbatueshme”, tha Braho.

Ai nënvizoi se besimi i publikut te sistemi i drejtësisë nuk është i përhershëm, por duhet të fitohet dhe të ruhet përmes profesionalizmit, pavarësisë dhe respektimit të ligjit në çdo vendimmarrje.

Sipas kreut të SPAK, asnjë gjyqtar apo prokuror nuk gëzon imunitet nga ndjekja penale për veprime korruptive që mund të kryejë pas përfundimit të vetingut.

“Çdo veprim i mundshëm korruptiv i prokurorëve dhe gjyqtarëve është dhe do të mbetet në vëmendjen e SPAK-ut, sa herë që rrethanat do të justifikojnë ushtrimin e ndjekjes penale”, theksoi ai.

Braho shtoi se integriteti i sistemit të drejtësisë nuk mbrohet vetëm me standarde deklarative, por përmes hetimeve profesionale dhe përgjegjësisë së barabartë përpara ligjit.

Kreu i SPAK vlerësoi se Reforma në Drejtësi krijoi institucione të reja me përgjegjësi të mëdha, ndërsa theksoi se sfida tashmë mbetet ushtrimi i këtyre përgjegjësive me integritet, seriozitet dhe respekt të plotë ndaj Kushtetutës dhe ligjit.

Po ndodh...

14:58 POLITIKË

Pas 18 ditësh rezistencë, vjen fitorja e parë: Europa rreshtohet krah protestuesve për Vjosë-Nartën! Kërkon rrëzimin e ligjit 21/2024

14:47 POLITIKË

Metani: Qëndrueshmëria institucionale si matës i suksesit të Reformës në Drejtësi

14:32 SPORT

Zyrtare/ Bernardo Silva vendos për të ardhmen, portugezi lë City-n për ekipin madrilen

14:21 POLITIKË

PE godet politikën shqiptare! “PS pengoi arrestimin e Ballukut”, Brukseli: Duhen ndjekje penale e dënime përfundimtare për korrupsionin në nivele të larta

14:10 POLITIKË

PE miraton raportin për Shqipërinë, shqetësim liria e medias: Dënojmë sulmet dhe retorikën e përdorur nga zyrtarët e lartë

13:51 SHOWBIZ

Moderatori i njohur britanik trondit rrjetin, zbulon se vuan nga kanceri në prostatë: Është agresiv, por u kap herët

13:30 POLITIKË

Koçeku tha se u kërcënua nga Bajrat, PS reagon pas deklaratës së Neomalsores

13:05 AKTUALITET

Marrëveshja 40 mln euro me Redi Pezën, si hyri grupi i kokainës te kompleksi “Porto Lalzi” në Hamallaj

12:59 SPORT

Gjobë e majme për Vllazninë, Komisioni i Disiplinës publikon vendimet për mbylljen e sezonit

12:54 AKTUALITET

Miliona euro cash në fuçi 50 litroshe, dalin detaje nga rrjeti i trafikut të kokainës

12:35 POLITIKË

Marjana Korçeku u kërcënua me familjen? Reagon avokati i familjes Bajri: Po dëmton reputacionin e klientëve të mi

12:30 POLITIKË

Banda e "Bajrave" kërcënon familjen e deputetes, Marjana Koçeku, reagon Policia e Shkodrës!

12:03 BOTA

Në përpjekje për të siguruar mbështetjen e SHBA-ve në betejën ligjore të të atit, Brazili dënon djalin e Jair Bolsonaros

11:51 AKTUALITET

Kinematografia shqiptare në zi, shuhet në moshën 79-vjeçare aktori Gjergji Lala

Dua të lexoj më shumë lajme