English
Luaj me Fjalëkryq
Lajme flash

Federata "opozitare" Berisha-Meta-Mediu-Dule/ Marrëveshje, ku nuk ka asnjë fjalë dhe qëndrim për Drejtësinë!

16 Shkurt 2024, 14:08 / POLITIKË ALFA PRESS

Federata "opozitare" Berisha-Meta-Mediu-Dule/ Marrëveshje, ku nuk

Krerët dhe përfaqësuesit e disa forcave politike në opozitë, kanë themeluar këtë të premte një "Federatë opozitare" e cila do të mbajë slloganin "Bashkë në diversitet".

Nuk dihet ende se cilat pika i ndajnë firmosësit e marrëveshjes, por në tekstin e saj ulëret fortë, ajo që i bashkon.

Dhe ajo që i bën bashkë është padiskutim lufta ndaj Drejtësisë së re, SPAK dhe Gjykatës së Posaçme.

Në tekstin e marrëveshjes që mund ta lexoni më poshtë, flitet për çdo gjë, përveç Drejtësisë.

Përmendet rikuperimi i marrëdhënieve me ndërkombëtarët, lufta ndaj regjimit të korruptuar Rama, emigrantët, Reforma zgjedhore etj, por asnjë fjalë, asnjë qëndrim, për institucionet e drejtësisë dhe luftën e tyre kundër korrupsionit, qoftë edhe i qeverisë.

Edhe Gazment Bardhi që bën sikur është pro drejtësisë dhe SPAK dhe që u shfaq i eksituar për këtë bashkim që pranon edhe "diversët", duket se nuk e kishte pyetur njeri që Drejtësia të futej në tekstin e marrëveshjes së "bashkimit".

Nëse sheh me vëmendje lidershipin e kësaj Federate, atëherë kupton edhe arsyen pse në heshtje me këtë bashkim, ata pozicionohen kundër Drejtësisë. Kështu Sali Berisha, (Rithemelimi), i cili kishte çuar në atë tryezë Nokën dhe Bardhin, është nën hetim për korrupsion dhe në arrest shtëpie.

Ideatori i Federatës Fatmir Mediu, (Partia Republikane), është në proces gjyqësor i akuzuar nga SPAK për Gërdecin. Ilir Meta i cili kishte dërguar aty Petrit Vasilin, gjendet nën hetim nga SPAK për të paktën dy afera korruptive, CEZ-Dia dhe pastrim parash.

Edhe Vangjel Dule i PBDNJ, një protagonist tjetër ky i Federatës, është pozicionuar hapur kundër drejtësisë, SPAK, Gjykatës së Posaçme dhe Kushtetueses, pasi po i bien në qafë kot Fredi Bejlerit, i arrestuar për korrupsion zgjedhorë dhe blerje votash.

Në atë konglomeratë diverse në dukje të Federatës, ka edhe shumë të tjerë që e dinë vetë se çfarë hesapesh kanë me drejtësinë, ndaj edhe nëpërmjet tekstit të marrëveshjes ku mungon çështja më madhore sot, Drejtësia dhe lufta e SPAK ndaj korrupsionit, ata janë bashkë!/Alfapress.al

Marrëveshja e plotë ku mungon fjala "Drejtësi":

PLATFORMË POLITIKE E FEDERATËS SË OPOZITËS SË BASHKUAR

Ne, përfaqësuesit e partive opozitare:

Duke vlerësuar me shqetësim situatën e rëndë në Ballkan, interesin tonë si shqiptarë dhe si vend anëtar i NATOs, dhe duke qenë të ndërgjegjshëm që për t`ju përgjigjur sfidave të sigurisë dhe një Shqipërie Europiane, është e nevojshme ruajtja dhe zhvillimi i një partneritet të qëndrueshëm me SHBA, BE dhe vëndet e NATOs;

Duke marrë në konsideratë situatën shumë të rëndë politike, ekonomike dhe shoqërore në Shqipëri gjatë qeverisjes së korruptuar të Edi Ramës, si dhe cënimin e rëndë të sistemit tonë kushtetues, pluralizmit politik të një Republike Parlamentare, ku Qeveria kontrollon në mënyrë antidemokratike të gjitha pushtetet;

Duke konstatuar me shumë shqetësim braktisjen masive të vendit nga shqiptarët në tërësi dhe nga profesionistë, të rinj dhe të reja, për shkak të humbjes së shpresës dhe rrëshkitjes së vendit drejt një qeverisje autoritare, të bazuar në korrupsionin, krimin dhe drogën, persekutime, arrestime dhe burgosje politike të liderëve të partive opozitare;

Duke vlerësuar si jetike pjesmarrjen e diasporës në votime dhe angazhimin e tyre politik dhe qeverisës;

Duke mbajtur në konsideratë mosfunksionimin e Parlamentit dhe parlamentarizmit dhe kthimin e tij në apendiks të qeverisë, mohimin e të drejtave kushtetutese të deputetëve të opozitës në Parlament, mosrespektimin e lirive dhe të drejtave të qytetarëve dhe shkeljet flagrante të tyre nga qeveria, apo mungesën e zgjedhjeve të lira dhe të ndershme, për shkak të përdorimit të shtetit për interesa politike, përdorimin e grupeve kriminale për blerjen e votave dhe intimidimin e votuesve;

Duke qenë të ndërgjegjshëm mbi nevojën për rikthimin e pluralizmit dhe demokracisë funksionale, krijimit të shpresës dhe besimit tek qytetarët, dhe nevojën që opozita të ngrihet në përgjegjësitë e saj, për të mbrojtur dhe përfaqësuar interesat e shqiptarëve, përmes një politike që tejkalon debatin rreth liderëve politikë, por që bashkohet rreth ideve me interes kombëtar, mundësimin e Integrimit Europian dhe një demokraci Institucionale;

Deklarojmë sa më poshtë:

1. Institucionalizimin e Federatës së Opozitës së Bashkuar, sipas parimit “Edhe pse të ndryshëm, kemi një qëllim të përbashkët, ndërtimin e një Shqipërie Europiane”, ku përfshihen të gjithë faktorët politikë parlamentarë dhe relevant opozitar, të cilët marrëdhënien dhe bashkëpunimin opozitar, e cmojnë si detyrim dhe jo marrëveshje që fuqizojnë qeverinë dhe antikushtetutshmërinë.

2. Rikonfirmojmë vendosmërinë për t’u përballur me regjimin e korruptuar dhe të kriminalizuar të Edi Ramës, që gjatë qeverisjes së tij ka shndërruar Shqipërinë në vendin e pamundësive për shqiptarët e ndershëm dhe po detyron rininë të braktisë vendin për shkak të pamundësive ekonomike.

3. Shpallim:

i) “garantimin e zgjedhjeve të lira dhe të ndershme”, përmes realizimit të një Reformë Zgjedhore kuptimplotë dhe për adresimin e të gjitha rekomandimeve të ODIHR-it, që siguron një kuadër zgjedhor gjithëpërfshirës dhe të qëndrueshëm, si dhe

ii) “nevojën për të koordinuar përpjekjet për rikthimin e pluralizimit dhe demokracisë funksionale”,

si dy prioritete kryesore të axhendës politike të opozitës.

 

 

 

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128