Lajme flash
Kërkoi lirinë nga burgu, përfundon seanca në GJKKO për ish-Presidentin Ilir Meta! Gjyqtari shpall moskompetencën, ja arsyeja
8 Gusht 2025, 11:36 / POLITIKË
Ka përfunduar seanca në GJKKO për ish-Kreun e Shtetit, Ilir Meta, i cili kërkoi lirinë.
Mësohet se seanca ndaj Presidentit të PL-së është shtyrë, kjo për shkak se gjyqtari Erjon Bani ka shpallur moskompetencën për të vendosur në lidhje me zëvendësimin e masës së sigurisë “arrest në burg” për Ilir Metën.
Shpallja e moskompetencës u bë pas kërkesës së avokatit Kujtim Cakrani, kjo për shkak se Erjon Bani nuk ka qenë gjyqtari i çështjes së Ilir Metës, por ka qenë i gatshëm.
Vetë ish-Kreu i Shtetit, nuk ishte i pranishëm në seancë dhe u përfaqësua nga avokatët e tij.
Gjithashtu në sallën e gjyqit mungonin edhe tre prokurorët e çështjes, kreu i SPAK, Altin Dumani, Arben Kraja dhe Sotir Kllapi.
“Pa dyshim që Gjykata do marri kohën e saj brenda 3 muajve, duhet të shprehet. Që i bie brenda muajit tetor do kemi një vendimmarrje të Gjykatës Kushtetuese. Beteja jonë do vazhdojë edhe për masën tjetër e cila është rrëzuar në 26 qershor.
Të gjithë dokumentacionin tonë për Gjykatën Europiane të të drejtave të njeriut. Rasti Gëllçi rasti më flagrant i shpërdorimit të ligjit, është shuplakë që Gjykata e të drejtave të njeriut i ka dhënë Gjykatës këtu.
Ilir Meta do të lirohet, nuk ka arsye që të vazhdojë në paraburgim. Beteja do të vazhdojë”, tha avokati i tij.
Më 6 Gusht, përfaqësuesit ligjorë të Ilir Metës, dorëzuan pranë GJKKO kërkesën për zëvendësimin e masës së sigurimit personal ndaj klientit të tyre.
Në kërkesë, argumentohej se SPAK kishte përfunduar hetimet në ngarkim të Ilir Metës, dhe për rrjedhojë, vijimi i masës së paraburgimit nuk kishte më bazë procedurale.
Kujtojmë që më 4 Gusht, Ilir Metës iu komunikua në SPAK mbyllja e hetimeve nga Prokuroria e Posaçme për dosjen e lobimit të LSI në SHBA dhe aferën CEZ-DIA.
Avokati i Ilir Metës, Kujtim Cakrani, në përfundim të seancës, tha se prokurorët nuk sollën asgjë të re, qoftë nga hetimi për CEZ-DIA, ashtu dhe për dosjen e lobimit në SHBA.
Avokati theksoi se betejën do ta bëjnë në gjykatë me proces të zakonshëm dhe jo të shkurtuar, çka pritet të jetë një proces i gjatë gjyqësor.
Ish-presidenti Meta akuzohet nga Prokuroria e Posaçme për tre çështje korrupsioni; për dosjen e njohur si CEZ-DIA; për përfitimin e vlerave monetare në këmbim të influencës së ushtruar në favor të një kompanie telekomunikacioni; si dhe për marrëdhënien e dyshuar korruptive me një biznesmen.
Ai akuzohet gjithashtu për kontratat e konsulencës dhe lobimit në Shtetet e Bashkuara të Amerikës, pastrimin e produkteve të veprës penale në blerjen e një shtëpie në Tiranë si dhe mosdeklarimin e shpenzimeve mjekësore për periudhën 2013-2019.
Akuza të ngjashme ka ngritur SPAK edhe ndaj deputetes Monika Kryemadhi, njëherazi ish-bashkëshortja a e Metës. Ish-kreu i AKEP, Pirro Xhixho akuzohet për korrupsion pasiv. Veç Metës që gjendet në burg, të tjerët janë hetuar në gjendje të lirë.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128