Pas protestës së djeshme, Rama vizitë në ish-rezidencën e diktatorit: Artistët i gjeta të traumatizuar! Turp për gjykatësit që rinxjerrin në rrugë zjarrvënësit

Edi Rama është parë mesditën e kësaj të diele, në Vilën e ish-diktatorit Enver Hoxha, një ditë pasi kjo e fundit u përfshi nga flakët gjatë protestës së Partisë Demokratike.

Në një reagim në rrjete sociale, Rama edhe këtë herë e ka përdorur situatën në favor të tij, teksa ka shpërthyer në sulme dhe ofendime ndaj opozitës dhe gjykatësve.

Rama i ka cilësuar protestuesit si “të verbër të paguar” nga disa “hunj gardhi”, sic thotë ai, ndërsa ka bërë përgjegjës edhe gjyqtarët që i lirojnë protestuesit sa herë që Policia i arreston.

Duke injoruar faktin se këto protesta kanë shpërthyer pikërisht nga skandalet që kanë përfshirë qeverinë e tij, Rama thotë se gjykatësit dhe deputetët e PD-së, janë bashkëpërgjegjës për këto vandalizma.

“Sapo dola nga rezidenca e artistëve në ish-shtëpinë e diktatorit, ku prej kohësh tanimë fondacioni prestigjoz Art Explora mikpret të rinj të talentuar nga Shqipëria, Kosova e mbarë bota, të cilët i gjeta të traumatizuar nga çmenduria e barbarisë së mbrëmshme.

Një sulm i verbër i një grushti të verbërish të paguar për të frikësuar qytetin dhe njollosur Shqipërinë, nën udhëheqjen e një ligësire kriminale tetëdhjetë e kusur vjeçare, që mban nga pas ca hunj gardhi me status deputeti, e që vjen vërdallë si i marri i lagjes nëpër Tiranë, ndërkohë që s’ia var më thuajse askush!

Gjykatësit që i lirojnë këta zjarrvënës të rrezikshëm, sa herë arrestohen nga policia janë bashkëpërgjegjës për këto vandalizma të pandodhura askund në Europë me bekimin e nën hyqmin e një partie parlamentare, në selinë e të cilës nuk flitet për ide e programe, po bëhen vetëm plane dhune dhe bomba artizanale!

Turp për çdo gjykatës që rinxjerr në rrugë këta keqbërës të Shqipërisë dhe turp për qeverisjen e gjyqësorit që rri e vështron sikur Shqipëria nuk është edhe atdheu i saj!”,- shkruan Rama në “X”.

Sapo dola nga rezidenca e artistëve në ish-shtëpinë e diktatorit, ku prej kohësh tanimë fondacioni prestigjoz Art Explora mikpret të rinj të talentuar nga Shqipëria, Kosova e mbarë bota, të cilët i gjeta të traumatizuar nga çmenduria e barbarisë së mbrëmshme.

Një sulm i verbër… pic.twitter.com/a3IEPuzqld

— Edi Rama (@ediramaal) March 1, 2026

Po ndodh...

12:19 POLITIKË

Sali Berisha jep lajmin: Edi Rama në panik, u largua nga Surreli...

12:11 AKTUALITET

Arrestohet ish-drejtori i AKU në Durrës, kërcënoi punonjësit

12:04 BOTA

Lidhje me grupe kriminale/ Kush është porositësi i djegies së 2 makinave në Pogradec

11:47 EKONOMI&SOCIALE

Lufta trondit tregjet, rritet çmimi i naftës dhe bie Bictoin

11:41 SPORT

Ajax flet spanjisht: Strategjia e klubit është e qartë! Kush janë emrash në listën e Cruijffit?

11:27 SHOWBIZ

Mes Markos dhe Gretës, ja kush la shtëpinë e BBVA

11:21 BOTA

Lindja e Mesme mes sulmeve ajrore dhe kaosit! Presidenti i Iranit nxit tensionet: Hakmarrja, e drejtë dhe detyrë legjitime për ne!

Nga Erl Kodra 11:09 IDE

Me Berishën, sa të jetë Toka, PD nuk fiton!

Nga Erl Kodra

10:55 BOTA

SHBA-Iran drejt përshkallëzimit? Çfarë paralajmëron Trump

10:33 AKTUALITET

Bllokohet 1 ton mjaltë pa dokumentacion në Kapshticë

10:18 BOTA

“Goditje arbitrare ushtarake”, si i komentojnë zyrtarët e BE-së sulmet e Iranit

10:02 POLITIKË

Shkarkimet në qeveri/ Rama: Ballukun s’do e largoja në rrethana të tjera

09:47 POLITIKË

Vrasja e liderit iranian, Berisha: Lajm i mirë për njerëzimin!

09:27 BOTA

Irani nuk i ndal sulmet, qindra raketa e dronë drejt Dubait

Dua të lexoj më shumë lajme