Lajme flash
Përplasja e Ramës me SPAK dhe Drejtēsinë, reagon KE: Lufta kundër korrupsionit thelbësore...
17 Shkurt 2026, 19:01 / POLITIKË
Komisioni Europian ka reaguar lidhur me propozimet për ndryshime në Kodin e Procedurës Penale, të paraqitura nga Kryeministri Edi Rama, të cilat synojnë të mbrojnë ministrat dhe disa zyrtarë të lartë nga pezullimi gjatë hetimeve nga SPAK.
Në një përgjigje zyrtare dërguar për disa televizione, KE bën të qartë se po ndjek nga afër amendamentin e Kodit të Procedurës Penale të paraqitur më 16 shkurt.
“BE monitoron dhe vlerëson çdo nismë ligjore që lidhet me sistemin gjyqësor në të gjitha vendet kandidate, përfshirë Shqipërinë. Këto nisma pritet të jenë në përputhje me acquis-në e BE-së dhe standardet europiane,” thuhet në përgjigjen me email drejtuar gazetares së Syri Tv, Ambrozia Meta.
Zëdhënësi i Komisionit Europian rikujton se “ Sundimi i ligjit dhe pavarësia, llogaridhënia dhe efikasiteti i sistemit gjyqësor në Shqipëri janë elemente thelbësore të procesit të zgjerimit të BE-së..”
Ai gjithashtu thekson se retorika që shfaq mosbesim publik ndaj drejtësisë dhe ndaj pavarësisë, paanshmërisë dhe integritetit të sistemeve gjyqësore dhe të prokurorisë është kundërproduktive.
KE i rikujton Kuvendit se është përgjegjësi e tij të shqyrtojë pa vonesë kërkesat për heqjen e imunitetit të Ballukut, duke vënë në fokus rëndësinë e luftës kundër korrupsionit për përparimin e vendit drejt anëtarësimit në Bashkimin Europian.
Reagimi i Komisionit Europian
BE po ndjek nga afër amendamentin e Kodit të Procedurës Penale të paraqitur më 16 shkurt.
BE monitoron dhe vlerëson çdo nismë legjislative që lidhet me gjyqësorin në të gjitha vendet kandidate, përfshirë Shqipërinë. Këto nisma pritet të jenë në përputhje me acquis të BE-së dhe standardet evropiane.Kjo përfshin gjithashtu zbatimin e reformës në drejtësi të vitit 2016 në kuadër të negociatave të anëtarësimit të Shqipërisë në BE. Sundimi i ligjit dhe pavarësia, llogaridhënia dhe efikasiteti i sistemit gjyqësor në Shqipëri janë elemente thelbësore të procesit të zgjerimit të BE-së.
Retorika që nxit mosbesim publik ndaj gjyqësorit dhe ndaj pavarësisë, paanshmërisë dhe integritetit të sistemit gjyqësor dhe prokurorial është kundërproduktive.
Siç është theksuar më parë, është përgjegjësi e Kuvendit të Shqipërisë që të trajtojë pa vonesë kërkesat për heqjen e imunitetit të anëtarëve të tij. Lufta efektive kundër korrupsionit është me rëndësi thelbësore për përparimin e Shqipërisë drejt anëtarësimit në BE."
Po ndodh...
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128