PS monitoron protestuesit, sheshi përgjigjet me rezistencë: Çfarë ndodhi në protestën e 11-të

Protesta e 11-të kundër qeverisë së kryeministrit Edi Rama u shoqërua me një marshim të gjerë të mijëra qytetarëve në rrugët e Tiranës.

Tubimi nisi para godinës së Kryeministrisë dhe vijoi drejt Bashkisë së Tiranës, për të kaluar më pas në zonën e “9-Katësheve”, Rrugën e Kavajës, 21 Dhjetorin, “Vasil Shanton” dhe stadiumin “Dinamo”.

Pas itinerarit disaorësh, protestuesit u rikthyen sërish para Kryeministrisë, ku vijuan me thirrje kundër qeverisë.

Në një moment simbolik gjatë marshimit, protestuesit u ulën në tokë te kryqëzimi i 21 Dhjetorit, përpara se të vazhdonin ecjen drejt zonës së “Vasil Shantos”.

Gjatë gjithë marshimit u dëgjuan vazhdimisht thirrje kundër kryeministrit Edi Rama dhe klasës politike.

“Rama jep dorëheqjen”, “Ju erdhi fundi”, “Edi Rama ka mbaru”, “Rama në burg, Berisha në burg”, “Shqipëri e re”, “Atdheu nuk shitet” dhe “Atdheu i shqiptarëve, vdekje tradhtarëve”, ishin disa nga sloganet që dominuan protestën.

Si në netët e mëparshme, qytetarët e mbyllën marshimin me thirrjen “Nesër më shumë”.

Një nga momentet më të spikatura të protestës ishte fjalimi i një vajze të re, e cila sfidoi publikisht kryeministrin Rama të përballej me protestuesit në shesh.

“Kam 18 vite që dëgjoj se Shqipëria nuk bëhet, por do të bëhet, sepse për të do të luftojmë ne, brezi i ri. Nuk do të ikim, por do ta bëjmë Shqipërinë si gjithë bota”, tha ajo.

E reja foli edhe për emigracionin e prindërve të saj, duke treguar se është rritur nga gjyshërit, ndërsa u shpreh se ndodhej në protestë për familjen dhe bashkëmoshatarët e saj.

“MOS E LËSHONI FRONTIN”

Ish-oficeri i policisë Krenar Ahmeti iu bashkua protestës duke bërë thirrje për vazhdimin e mobilizimit qytetar.

Ai deklaroi se shqiptarët kanë investuar miliona euro për formimin e tij si oficer, ndërsa sot punon si shofer dhe merr pension të parakohshëm.

“Ju jap një urdhër: mos e lëshoni frontin, mos e lëshoni frontin, sepse janë momente vendimtare“, u shpreh Ahmeti para protestuesve.

Analisti Kim Mehmeti përshëndeti protestuesit përmes një mesazhi të transmetuar në tubim.

Ai vlerësoi pjesëmarrësit si zërin e shpresës për shqiptarët dhe tha se ata po bëjnë atë që, sipas tij, nuk arritën ta bëjnë intelektualët dhe analistët në studiot televizive.

“Jeni heronjtë e mi”, ishte një nga mesazhet e Mehmetit drejtuar protestuesve.

Nga podiumi foli edhe ish-luftëtari i UÇK-së, Meçan Zotaj, i cili akuzoi qeverinë për presione, kërcënime dhe arrestime ndaj protestuesve.

Ai pretendoi se pas fjalimit të tij në protestën e një dite më parë, policia kishte arrestuar vëllanë e tij në Roskovec për shkak të deklaratave që kishte bërë ndaj kryeministrit.

Sipas Zotajt, këto veprime nuk do ta ndalin protestën, por do ta forcojnë atë.

Një qytetar nga Dukati i Vlorës kërkoi që nismëtarët e protestës të identifikohen publikisht dhe propozoi ngritjen e një Kuvendi Kombëtar.

Sipas tij, protesta duhet të shndërrohet në një lëvizje të organizuar që synon ndryshimin e sistemit politik dhe jo të mbetet vetëm një reagim në rrugë.

“Varet fati ynë dhe i fëmijëve tanë nga kjo protestë”, deklaroi ai.

Pankartat vijuan të jenë një nga elementët më të spikatur të protestës.

Ndër mesazhet që tërhoqën më shumë vëmendje ishte pankarta: “O Sali o fosil, ik me Ramën në azil”, e cila ironizonte njëkohësisht dy figurat kryesore të politikës shqiptare.

Gazetarja Fjorela Beleshi deklaroi se protesta ka shkaktuar shqetësim në radhët e Partisë Socialiste dhe të kryeministrit Rama.

Sipas saj, struktura të mazhorancës po monitorojnë aktivitetin në rrjetet sociale për të identifikuar personat që shpërndajnë përmbajtje nga protestat dhe për të zbuluar organizatorët e tyre.

Beleshi tha gjithashtu se disa përfaqësues të protestuesve janë ftuar për dialog nga kryeministri, por nuk kanë pranuar, ndërsa protesta vijon të mbetet pa një drejtues të shpallur publikisht.

Po ndodh...

00:02 Fjalëkryq

Skemë e lirë 11 qershor

22:15 AKTUALITET

Aksident fatal në Laknas, 20-vjeçari përplas 48-vjeçarin me motor

22:09 POLITIKË

Protesta më e madhe në 35 vite/ Tirana në këmbë kundër klasës politike të korruptuar, populli i duartroket: Ju erdhi fundi

21:46 SPORT

Rekordet e Kupës së Botës, Messi dhe Mbappe “kërcënojnë” disa prej arritjeve historike

21:32 POLITIKË

Deputetja e PS kritikon protestën: Nuk kanë as narrativë, as drejtim

21:16 POLITIKË

Pas urdhërit të Berishës, Sali Lusha dhe i biri shfaqen në protestë, nervozohen me qytetarët që thërrasin "Berisha n'burg"

21:07 POLITIKË

Përfundon tubimi para Kryeministrisë, nis marshimi i madh/ Protestuesit sërish leksion qytetarie, thirrje: Ju lutem pastroni vendin! Shqipërinë do ta shpëtojmë nga Rama, por…

21:04 AKTUALITET

Pas 3 orësh protestë te Kryeministria, qytetarët nisin marshimin në rrugët e kryeqytetit

20:33 AKTUALITET

Përfshihet nga flakët fabrika në Kroaci

20:14 POLITIKË

“Nuk largohemi, por do të luftojmë për Atdheun”/ E reja sfidë Ramës: Mos bëj mitingje nëpër Shqipëri, eja në shesh nëse je burrë!

20:08 POLITIKË

"Na i kanë futur xixat të zihemi"/ Rama: Bota mat zhvillimin me investime të huaja, ndërsa Shqipëria matet me se sa rezistojnë përballë tyre

20:00 POLITIKË

‘Associated Press’ dhe ‘Reuters’/ Dy agjencitë më të mëdha në botë transmetojnë LIVE protestën

19:55 POLITIKË

Nuk ka ofertë 150 milionë euro nga Real Madrid për Julián Álvarez!

19:43 POLITIKË

“Po ti kur do ta nisësh burgun tënd?”- Qytetarja akuza kryeministrit: I the Britanisë ktheji të rinjtë se janë kriminelë, por rinia jonë është e ardhmja!

Dua të lexoj më shumë lajme