Lajme flash
Raporti i UNESCO/ Pampuri: Shqipëria me përkeqësim në arsim për shkak të buxhetit të ulët të qeverisë
4 Janar 2025, 18:47 / POLITIKË
Deputetja e Partisë Demokratike-Demokratët Euroatlantikë, Oriola Pampuri, ka reaguar në lidhje me raportin e UNESCO, sipas të cilit Shqipëria po përballet me përkeqësim në arsim dhe ka nevojë urgjente për financim.
Sipas Pampurit, situata është alarmante, me Universitetin e Tiranës që renditet ndër më të ultit në rajon për kërkimet dhe botimet shkencore. Ajo fajëson qeverinë me buxhetin e ulët për arsimin, i cili në vitin 2021 ishte vetëm 3.1% e PBB-së, më të ulëtin në Ballkan.
Deputetja thekson se pagat e ulëta të pedagogëve, mungesa e teksteve të përditësuara dhe fondet e pamjaftueshme për kërkimin shkencor po çojnë në largimin e të rinjve dhe pedagogëve jashtë vendit.
Postimi i plotë i Oriola Pampuri:
Sipas një raporti të UNESCO; 'Shqipëria ka një përkeqësim në arsim, dhe ka nevojë urgjente për financim'.
Dhe ky tashmë është fakt, të cilin e kemi vënë në dukje prej kohësh, madje, para thuajse dy viteve Universiteti i Tiranës, rankohej ndër të fundit krahasuar me vendet fqinj, sa i përket numrit të kërkimeve dhe botimeve shkencore.
Në fakt, e gjitha kjo jo për faj të stafit as të menaxhimit, por i vetmi problem mbetet buxhetimi i ulët për kërkimin shkencor, buxhetimi i ulët për rinovimin e teksteve të cilat shpesh i sheh të përdoren ato të para shumë viteve duke parë që në shumë fusha, shkenca, kërkimet shkencore ecin përpara, dhe brezat duan e duhet të përfshihen me të rejat e fundit, e ku më mirë se në auditorët e universiteteve mund të njihen me to.
Por që të arrihen të gjitha këto duhet më shumë buxhet për arsimin. Sipas UNESCO, shpenzimet e qeverisë për arsimin ne vitin 2021 ishin 59.1 miliardë lekë, pra sa 3.1% e PBB, niveli më i ulët krahasuar me vendet fqinje.
Pagat e stafit akademik, tepër të ulëta krahasuar me punën, dhe rolin që duhet të kenë në kërkim shkencor dhe edukim në vazhdim, përfshirje në konferenca kombëtare e ndërkombëtare, gjë që as nuk mendohet të përballohet me të ardhurat si akademikë.
Pra përkeqësimi i arsimit, drejtpërdrejtë çon në largimin e të rinjve për të studiuar e punuar jashtë vendit, por njëkohësisht largimin e pedagogëve, pjesë e rëndësishme e shtresës së mesme, si tejet të demotivuar nga kushtet që u ofrohen në vendin e tyre krahasuar me kontributin e vyer që japin e kanë dhënë ndër vite.
Një qeveri që ka prioritet bandat për të sjellë deputetë në parlament, korrupsionin për të pasuruar veten, miqtë e për të larguar elitat, as nuk mund të mendohet që arsimin do ta kenë mdonjëherë prioritet, përveç rasteve kur për show inaugurojnë ndonjë fasadë.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128