Lajme flash
Rikthimi i ekspertëve amerikanë në SPAK, Ambasada Amerikane sqaron: Thelbësore për interesat kombëtare të SHBA-së
2 Prill 2025, 12:07 / POLITIKË
Prej të enjtes së kaluar, të gjithë ekspertët e OPDAT, të vendosur pranë SPAK që nga krijimi i tij, janë rikthyer në detyrën e tyre, pasi u larguan kur Departamenti i Shtetit vendosi të pezullojë disa programe.
Një zyrtar i Ambasadës amerikane iu përgjigj interesimit të disa medieve në lidhje me këtë çështje, duke sqaruar se disa programe që konsiderohen thelbësore për interesat kombëtare të SHBA-së janë rikthyer, ndërkohë që ndihma e huaj amerikane është ende në proces rishikimi.
“Në përputhje me Urdhrin Ekzekutiv të presidentit Trump të datës 20 janar për Rivlerësimin dhe Riorganizimin e Ndihmës së Jashtme të Shteteve të Bashkuara, Sekretari Rubio nisi një rishikim të të gjithë ndihmës së huaj të SHBA-së për t’u siguruar që programet të jenë efikase dhe në përputhje me politikën e jashtme të SHBA nën agjendën “Amerika e Para”. Disa programe që konsiderohen thelbësore për interesat kombëtare të SHBA-së kanë rifilluar ndërkohë që rishikimi i ndihmës së huaj është ende duke u zhvilluar.”
Prej rikthimit, ekspertët e OPDAT kanë zhvilluar takime me prokurorët e posaçëm për t’u shpjeguar atyre vijimin e bashkëpunimit.
OPDAT është pjesë e Departamentit të Drejtësisë në SHBA dhe u krijua në vitin 1991 si një mekanizëm për të luftuar krimin transnacional. Programi synon të krijojë partneritete me autoritetet e huaja për të parandaluar veprimtaritë kriminale, përpara se ato të prekin territorin amerikan.
Po ndodh...
Rama-Meta, si aleanca e 1 Prillit zhbëri Shqipërinë
Nga Namir Lapardhaja
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128