“S’po i shoh qytetarët të mbyllin dyqanet e të dalin në shesh”, Shehi: Ja ku po gabon PD-ja me protestat

Kreu i LZHK, Dashamir Shehi, ka komentuar valën e protestave të opozitës, duke u shprehur skeptik për efektin dhe përfshirjen qytetare në to. I ftuar në emisionin “Off the Record” nga Andrea Danglli, Shehi tha se protestat po zhvillohen kryesisht me militantë partie dhe nuk po krijojnë frymën e nevojshme për ndryshim politik.

Sipas tij, opozita ka nevojë për një strategji të re dhe një projekt politik që prodhon shpresë te qytetarët, përtej protestave të përjavshme.

“Nuk më duket sikur ka një strategji opozitare. Kjo është strategjia e PD-së që është shumica e opozitës, por me thënë të drejtën nuk është se po shoh gjë të madhe. Protestat organizohen me të njëjtët militantë dhe ata po lodhen, bëhen gjithnjë e më pak. Mënyra për ta bashkuar opozitën është një projeksion i ri politik që krijon shpresë”, u shpreh ai.

Shehi theksoi se opozita duhet të dalë përtej konfliktit të brendshëm dhe të prodhojë figura të reja politike, duke ndërtuar një alternativë konkrete qeverisëse. Sipas tij, aksioni opozitar duhet të zhvillohet në disa drejtime njëkohësisht: në parlament, në media, në raport me ndërkombëtarët dhe përmes protestave në terren.

Duke folur për pjesëmarrjen qytetare, ai u shpreh se nuk sheh një mobilizim të gjerë në kryeqytet.

“Nuk shikoj qytetarët e Tiranës të mbyllin dyqanet dhe të dalin në protestë. Dyqani mbyllet kur njerëzit e ndjejnë që protesta është më e rëndësishme se puna e ditës ose kur ka një tension të madh shoqëror. Nuk shikoj këtë atmosferë. Ndoshta njerëzit janë lodhur, ndoshta alternativa nuk i frymëzon”, tha Shehi.

Megjithatë, ai theksoi se protestat mbeten një element i rëndësishëm i opozitës, por sipas tij pesha kryesore duhet të jetë te programi dhe vizioni për të ardhmen.

“Populli e di që gjërat nuk shkojnë mirë, por pyetja është: çfarë do bëhet ndryshe kur të vini ju? Alternativa duhet të jetë më e fortë se kritika”, tha Shehi.

Po ndodh...

00:00 Fjalëkryq

Skemë e lirë 25 shkurt

22:19 SPORT

Atletico Madrid tregon forcën në Champions, eleminon Brugge në Play Off

22:11 SPORT

Tirana do hakmarrje, kuqeblutë dominojnë në Shkodër

21:57 SPORT

Botërori 2027 për vajza / Kombëtarja nis përgatitjet për Malin e Zi dhe Çekinë

21:41 POLITIKË

“PS do jetë kundër kërkesës për arrestimin e Ballukut"/ Petro Koçi: Opozita e dobët e "ndihmon" qeverinë

21:40 AKTUALITET

Përplasën për vdekje me makinë 7-vjeçarin, arrestohen një burrë dhe një grua

21:28 BOTA

Putin: Ukraina po saboton paqen, Perëndimi nuk mund ta mposhtë Rusinë

21:12 AKTUALITET

“Të plaçin turinjtë, shtazë, veç hani e dh**ni/ Skandal në Kamëz, mësuesja dhunon nxënëset në klasë

21:09 EKONOMI&SOCIALE

5 leje për të gërryer Shkumbinin/ Si u shkatërrua lumi me bekimin e qeverisë

20:56 BOTA

Kompania e Trumpit planifikon qiellgërvishtësin më të lartë në Australi, 335 metra i lartë

20:52 EKONOMI&SOCIALE

Udhëzimi i Kadastrës: Ja hapat që duhet të ndiqni për të rivlerësuar pronën

20:44 AKTUALITET

U kap me 1 milion euro të fshehura në automjet, kush është polici i komisariatit nr.5 në Tiranë

20:26 BOTA

Zvicra bllokon 880 milionë dollarë të Maduros

20:13 SHOWBIZ

Menaxheri i Benitës reagon për lajmet virale: Të gjitha janë të pavërteta, prisni njoftimet zyrtare

Dua të lexoj më shumë lajme