U akuzua në mbledhje se ka kërkuar firmat e deputetëve për Endri Shabanin, Salianji me ironi: Edhe luftërat punike unë i kam zhvilluar

Pas përfundimit të mbledhjes së Kryesisë së Partisë Demokratike, e shoqëruar me debate dhe tone të larta, ish-deputeti Ervin Salianji foli për mediat, duke sqaruar qëndrimet e tij dhe duke iu përgjigjur akuzave të ngritura ndaj tij gjatë diskutimeve.

Salianji u shpreh i keqardhur që, sipas tij, mbledhja e Kryesisë e zhvendosi tërësisht vëmendjen nga organizimi i protestës dhe përballja me qeverinë, drejt përplasjeve të brendshme.

“Jam i keqardhur që mbledhja e Kryesisë e zhvendosi komplet fokusin nga protesta te diskutimet e brendshme. Kishte mendime të ndryshme, por ajo që di t’ju them është se do ecim përpara. Nuk do ketë ndryshim pa sakrifica, pa reagime dhe pa përplasje”, deklaroi Salianji.

Ai theksoi se do t’u përgjigjet të gjitha akuzave me fakte dhe emra konkretë. “Do vazhdojmë të ecim përpara çdo akuze dhe çdo idiotësie do t’i përgjigjemi me fakte konkrete dhe me emra konkret”, shtoi ish-deputeti demokrat.

Gjatë prononcimit për mediat, Salianji hodhi akuza ndaj drejtuesve të Partisë Demokratike, duke i konsideruar përgjegjës për paqartësitë në vendimmarrje. “Vendimmarrja e PD-së, e cila ka qenë e paqartë në shumë situata, i bën drejtuesit përgjegjës. Unë po bëj përgjegjës drejtuesit e PD-së për këto paqartësi”, u shpreh ai.

I pyetur lidhur me akuzat se kishte mbledhur firma të deputetëve për kandidaturën e Endri Shabanit për postin e Avokatit të Popullit, Salianji reagoi me ironi, duke i mohuar këto pretendime.

“Edhe luftërat punike unë i kam zhvilluar. Edhe për firmat për Endri Shabanin unë i kam mbledhur, që nuk jam deputet”, tha Salianji me tone ironike, duke lënë të kuptohet se akuzat ndaj tij janë të pavërteta.

Deklaratat e Salianjit vijnë në një moment tensioni brenda Partisë Demokratike, ndërsa përplasjet e brendshme kanë shoqëruar diskutimet e fundit në strukturat drejtuese të partisë.

Po ndodh...

18:49 POLITIKË

Ish-deputeti i PS i bashkohet protestës së Lapajt kundër Ramës

18:43 SPORT

Fitore “In Extremis”, Elbasani nuk vdes kurrë, s’ndalet Partizani

18:31 KOSOVA

Kosova u dërgon ndihma humanitare palestinezëve në Rripin e Gazës

18:27 MISTERE&KURIOZITETE

A është “Iliada” e Homerit një hartë thesari?

18:22 POLITIKË

“Unë nuk e thirra dot babi…u detyrova të bëhesha burrë para kohe”, rrëfehet mes emocionesh djali i Azem Hajdarit: Më mungon inkurajimi prej tij

18:13 BOTA

Sulm i armatosur ndaj patrullës amerikane në Siri, 6 të plagosur

18:02 POLITIKË

Lapaj humb ndjenjat para Kryeministrisë, pas përplasjes mes protestuesve dhe policisë

17:58 POLITIKË

“Dorëheqja ime qetëson vetëm Edi Ramën dhe shërbëtorët e tij”, Noka flet pas përplasjes me Salianjin

17:49 SPORT

Burnley luan në shtëpi, trajneri merr vendimin për Brojën

17:44 POLITIKË

Përfundon mbledhja e Kryesisë së PD, Salianji reagon pasi u shigjetua nga Noka e Berisha: Jam i keqardhur

17:36 POLITIKË

Debatet në kryesinë e PD/ Salianji-Berishës: Cili nen i statutit na ndalon të takojmë demokratët?

17:16 POLITIKË

Protesta tek kryeministria, Adriatik Lapaj dhe aktivistët e “Shqipëria Bëhet” përplasen me policinë që tenton t'i largojë

17:13 BOTA

Pas Luvrit, tjetër vjedhje e veprave të artit/ Mbi 600 artefakte grabiten nga muzeu i Bristolit në Britani

17:02 SHOWBIZ

Zbulohet se kush do marri drejtimin e "Big Brother VIP Fan Club", ja kush është ish-banorja e BBVA që do e moderoj

Dua të lexoj më shumë lajme