Lajme flash
Petanik me fasule
24 Shkurt 2025, 08:28 / RECETA ALFA
Përbërësit:
300-400 gr petë të pjekura
400 gr fasule të bardha
1 qepë mesatare
3-4 lgj vaj ulliri
1 lgj spec i kuq i bluar
250 ml lëng nga zierja e fasuleve
Kripë dhe piper sipas shijes
Rigon ose majdanoz të grirë (opsionale)
Përgatitja:
Pasi i kemi lënë fasulet në ujë për disa orë ose gjatë natës, i vendosim të ziejnë derisa të zbuten plotësisht. Më pas i kullojmë dhe ruajmë rreth 250 ml nga lëngu i tyre. Në një tigan, skuqim qepën në vaj ulliri derisa të zbutet. Shtojmë specin e kuq të bluar, kripën, piperin dhe më pas hedhim fasulet e ziera. I përziejimë mirë dhe i lëmë të marrin shije për disa minuta.
Ndërkohë në një tavë të lyer me pak vaj, vendosim një shtresë me petë të gatshme të pjekura. Hedhim një shtresë me përzierjen e fasuleve dhe pak lëng nga zierja e tyre për të lagur petët. E përsërisim procesin duke alternuar petë dhe fasule derisa të përfundojmë me përbërësit. Në fund e spërkatim petanikun me pak vaj ulliri dhe e vendosim në furrë të parangrohur në 180°C duke e pjekur për rreth 20-25 minuta, derisa sipërfaqja të marrë një ngjyrë të lehtë të artë.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128