Lajme flash
Akuza për tradhti, Megan Thee Stallion ndahet nga ylli i NBA
26 Prill 2026, 15:56 / SHOWBIZ
Megan Thee Stallion ka konfirmuar zyrtarisht ndarjen nga ylli i NBA-së, Klay Thompson, duke i dhënë fund në mënyrë të papritur një romance që kishte tërhequr vëmendje të madhe në rrjetet sociale dhe mediat rozë.
Lajmi u bë publik të shtunën përmes një serie postimesh në Instagram Story nga vetë reperja, e cila nuk hezitoi të shprehë hapur zhgënjimin e saj. Në mesazhet e ndara me ndjekësit, ajo akuzoi Thompson për tradhti dhe theksoi se prishja e besimit ishte arsyeja kryesore që e çoi marrëdhënien drejt fundit.
“Besimi, besnikëria dhe respekti janë të panegociueshme për mua në një marrëdhënie, dhe kur këto vlera kompromentohen, nuk ka rrugë të vërtetë përpara. Po e shfrytëzoj këtë kohë për t’i dhënë përparësi vetes dhe për të ecur përpara me paqe dhe qartësi”, u shpreh ajo në një nga postimet.
Sipas deklaratave të saj, Megan ka qëndruar pranë basketbollistit gjatë gjithë sezonit të fundit të NBA-së, duke e mbështetur edhe në momentet kur, sipas saj, ai tregonte ftohtësi në raportin e tyre. Kjo, sipas artistes, e bën zhgënjimin edhe më të thellë.
Romanca mes dyshes kishte nisur gjatë verës së kaluar dhe u bë shpejt publike, duke u komentuar gjerësisht nga fansat. Megjithatë, ndonëse dukej si një lidhje e konsoliduar, zhvillimet e fundit tregojnë se marrëdhënia kishte probleme të brendshme që nuk u bënë të ditura më herët.
Deri më tani, Klay Thompson nuk ka reaguar publikisht ndaj akuzave të ngritura nga Megan Thee Stallion.
Po ndodh...
Rruga në të cilën po ecën PD me Berishën, të çon në arkën e drurit!
Nga Fitim Zekthi
ide
A ka Shqipëria një politikë të Jashtme?
Nga Ditmir Bushati
Republika e Hajdutëve!
Nga Gjergji Nika
Shqipëria, kjo anije e ngecur në zejen e vjedhjes!
Nga Edison Ypi
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128