English
Luaj me Fjalëkryq
Lajme flash

“Jemi vetëm tre veta që këndojmë live”- Thumboi kolegët, pendohet Soni Malaj: Është nxjerrë nga konteksti

5 Prill 2025, 15:41 / SHOWBIZ ALFA PRESS

“Jemi vetëm tre veta që këndojmë live”- Thumboi

Soni Malaj kishte kohë që i mungonte publikut me një intervistë. Ndaj edhe dalja e saj këtë herë ngjalli debate të shumta. Ajo ka qenë e drejtpërdrejtë, bëri disa deklarata e mori vëmendje të madhe nga publiku. Njëra nga pyetjet që iu drejtua ishte nëse ka producentë të mirë në ditët e sotme.

“Rritja në treg është bërë shumë e madhe për sa i përket pjesës muzikore, duke qenë se ka ndryshuar dhe pjesa e tregut, është digjitalizuar çdo gjë, konsumi është bërë shumë herë më i shpejtë për sa i përket muzikës. Sepse më përpara kanë qenë disqet e kasetat dhe ne duhet të punonim për një kohë të gjatë për të prodhuar ato. Por sot producentët nuk po arrijnë dot hapin e këngëtarëve, sepse këngëtarët po shumohen”, u shpreh ajo.

Më tej shtoi: “Por kur vjen fjala për të bërë një koncert live, në të gjithë industrinë jemi tre veta. Nëse në Shqipëri do bëhen evente të mëdha dhe duhet të dalim në sheshin “Skënderbej” para 20 mijë vetave live, jam vetëm unë, Aurela Gaçe, Alban Skënderaj. Çdo gjë minimizohet, nga qindra këngëtarë që janë, bie numri”.

Sa i përket artistëve të hip – hopit me të cilët ka edhe bashkëpunime, ajo tha: “Ne, duke pasur një kulturë amerikane, normalisht që pjesa e hip-hopit është shumë e dashur për ne. Më përpara kanë qenë tekstet disi më të pastra, ndërsa sot janë mbi përdorimin e substancave dhe e shoh që dhe në publik janë pak të lodhshme. Më përpara mezi prisnim kur dilnin BabaStars, apo Kaos, ose Skillz, ose PINT. Kur je në pakicë, je diçka më e rrallë dhe je më e dëshirueshme”.

“Cilësia është vetjake, çdo person ka aftësi artistike vetjake. Unë jam pak fanatike e shkollës së vjetër të hip-hopit. Nga të rinjtë sot, që më ka bërë përshtypje është MatoLale, Kidda, më pëlqen shumë se ka një stil shumë të veçantë”. Fjalët e saj u interpretuan si një kritikë ndaj kolegëve të saj, gjë që e detyroi atë të reagojë në Instagram për të sqaruar situatën. Në postimin e saj në Instagram, Soni shprehu shqetësimin e saj për keqkuptimet që kishin lindur pas deklaratës së saj dhe theksoi se ajo vlerëson shumë kolegët e saj që performojnë live.

“Po shoh lajme dhe statuse ku një fjali e imja, e thënë shumë shpejt, është përkthyer si një mosvlerësim ndaj kolegëve të mi. Dua t’ju bëj të qartë që unë i vlerësoj të gjithë miqtë, kolegët dhe bashkëpunëtorët që performojnë live. Konteksti i asaj që thashë është që, fatkeqësisht, numri i këngëtarëve që këndojnë live është më i vogël se ai i atyre që këndojnë playback. Duhej që atë fjali ta shpjegoja pak më gjatë për të shmangur keqkuptimet”, shkroi ajo.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128