Marrëdhënia me Kejsin, Stresi u bën thirrjen e fortë mediave

25 Maj 2023, 00:12 / SHOWBIZ ALFA PRESS

Marrëdhënia me Kejsin, Stresi u bën thirrjen e fortë mediave

I ftuar këtë episod të ‘Lancio’ ishte reperi i njohur Stresi. Gjatë muajve të fundit, emri i artistit ka qenë një kryefjalë në media pas eksperiencës dhe shpalljes si fitues i ‘Big Brother VIP Kosova’ dhe ribashkimit të tij pas më shumë se një dekade armiqësi me Noizy-n. Për të gjitha këto dhe detaje të tjera rreth jetës së tij private, Stresi jep një intervistë ekskluzive.

Duket se Stresi ka hequr dorë nga baladat, pse ky vendim nga ana e reperit? Sa kohë ka që reperit nuk i ‘thyhet zemra’?

Është e vërtetë, kam kohë që nuk këndoj balada. Unë gjithmonë kur kam kënduar balada e kam patur përjetim, kurse tani jam pak në ajër, nuk e kam mendjen te baladat. Kam diku te tre vite që jo.


Marrëdhënia e tij me Kejsin ka qenë padyshim një nga lidhjet më të komentuara të dashurisë, çfarë ka për të thënë Stresi lidhur me këtë?

Është bërë shumë e madhe kjo vajzë në Shqipëri. Të them të drejtën dua ta bëj një apel, mos pyesni më. Për mua, çdo gjë ka marrë fund. Unë kam jetën time, secili ka jetën e vet. Nuk di çfarë të them, po rëndësi ka të jetë mirë, kaq. 

Si është marrëdhënia e tij me vajzat pas eksperiencës në ‘BBVK’ dhe cilat janë karakteristikat që ai kërkon te partnerja që do të ketë në krahë?

Mua më merr malli të dal me një vajzë për kafe gjatë ditës. Më kanë njohur gjithmonë, më kanë pritur gjithmonë mirë. Dua një vajzë shumë të zgjuar, një vajzë që punon fort për veten e vet, ka ekonominë e vet, nuk i nënshtrohet askujt në këtë jetë, goc tirone dhe një vajzë shumë familjare, shumë e thjeshtë.