Lajme flash
Alisson bëhet i paarritshëm, Juventus hedh sytë nga De Gea
22 Prill 2026, 22:52 / SPORT
Zhvillimet e fundit në merkato kanë detyruar Juventus të rishikojë planet për portën. Objektivi kryesor, Alisson Becker i Liverpoolit, është bërë i vështirë për t’u arritur për shkak të kërkesave të larta financiare, rreth 8 milionë euro në sezon.
Në këtë situatë, në skenë rikthehet fuqishëm emri i David de Gea. Portieri spanjoll konsiderohet një zgjidhje më pragmatike, që kombinon eksperiencën e madhe me një kosto më të përballueshme për klubin bardhezi.
Vlera e tij në treg vlerësohet rreth 10 milionë euro, ndërsa paga sezonale kap shifrën e 3.5 milionë eurove, parametra që përputhen më mirë me politikën financiare të Juventusit. Për më tepër, De Gea shihet si profil i përshtatshëm për idetë e trajnerit Luciano Spalletti, sidomos për aftësinë në organizimin e mbrojtjes dhe menaxhimin e situatave të presionit.
Me negociatat për Alisson që po komplikohen gjithnjë e më shumë, mundësia që De Gea të veshë fanellën e Juventusit po bëhet gjithnjë e më konkrete. Klubi synon të mbyllë sa më shpejt çështjen e portës përpara nisjes së sezonit të ri.
Po ndodh...
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128