Lajme flash
Kupa e Botës 2030, FIFA po shqyrton ndryshime për qytetet pritëse në Spanjë
2 Prill 2025, 22:19 / SPORT
FIFA ka fuqinë për të ndryshuar vendet pritëse të Kupës së Botës 2030 – e cila do të organizohet nga Portugalia, Spanja dhe Maroku – në mënyrë unilaterale, sipas një dokumenti konfidencial ndaj të cilit ka pasur qasje gazeta spanjolle ‘AS’.
Federatat e tri vendeve do të dorëzojnë propozimet e tyre, por vendimin përfundimtar do ta marrë FIFA.
Spanja ka parashikuar të ketë 11 stadiume dhe 9 qytete pritëse, me Barcelonën dhe Madridin që pritet të kenë secili nga dy stadiume.
FIFA ka dyshime për stadiumin e Atletico Madrid-it
Gazeta ‘AS’ shkruan se një nga stadiumet e Madridit, në këtë rast ‘Metropolitano’, shtëpia e Atletico Madrid-it, ka ngritur disa dyshime brenda FIFA-s.
Klubi madrilen po shqyrton nëse do të ishte më fitimprurëse ta vërë stadiumin në dispozicion për koncerte dhe evente të tjera, apo ta bllokojë për dy muaj të plotë për FIFA-n, siç kërkohet nga rregulloret.
Në këtë skenar, janë dy opsione në lojë: Vigo dhe Valencia. Nëse Atletico Madrid tërhiqet, atëherë Valencia është favoritja për të zënë vendin e saj si qytet pritës, ndërsa Vigo do të jetë një alternativë në rast të ndonjë ndryshimi tjetër.
Stadiumi ‘La Rosaleda’ (Málaga) duhet të zgjerohet për të arritur kapacitetin minimal prej 40,000 vendesh të kërkuar nga FIFA.
Borja Vivas, këshilltar i sportit në Málaga, ka theksuar se qyteti do të përmbushë afatet për të qenë një nga qytetet pritëse të Botërorit 2030.
Stadiumet e Portugalisë për Kupën e Botës 2030
Në Portugali, ndeshjet e Kupës së Botës do të zhvillohen në ‘Estádio da Luz’ (Benfica), ‘Estádio do Dragão’ (Porto) dhe ‘Estádio José’ Alvalade (Sporting CP).
Tallja e Ramës me integrimin në BE
Nga Namir Lapardhaja
ide
Basha surpriza e kësaj fushate!
Nga Alban Daci
Rama përball Starmer/ Dy Kryeministra, dy botë!
Nga Lutfi Dervishi
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128