Lajme flash
La Liga padit Manchester Cityn në Komisionin Evropian
28 Shkurt 2025, 14:09 / SPORT
Komisioni Evropian ka konfirmuar se ka marrë një padi nga La Liga spanjolle, e cila akuzon kampionët në fuqi të Premier League-s, Manchester City, për shkelje të disa rregullave financiare.
Presidenti i La Liga-s, Javier Tebas, ka intensifikuar sulmet e tij ndaj Manchester City-t të enjten, duke zbuluar se kishte paraqitur një ankesë në vitin 2023 dhe ka akuzuar klubin, i cili mbështetet nga Emiratet e Bashkuara Arabe, për shkaktimin e një "shtrembërimi serioz në tregun e brendshëm të Bashkimit Evropian".
Sipas Tebas, City ka fshehur kostot duke përdorur kompani të jashtme për të kryer shërbime që në fakt nuk janë realizuar kurrë.
Manchester City, që gjithashtu po pret vendimin mbi më shumë se 100 akuza të supozuara për shkelje të rregullave financiare të Premier League, ka mohuar akuzat.
"Nuk mund të mos mendosh se kjo është një mënyrë për të anashkaluar rregullat. Prandaj e kemi denoncuar në Bashkimin Evropian, sepse, edhe pse është një klub anglez, BE-ja mbikëqyr çdo aktivitet tregtar brenda Evropës", tha Tebas gjatë një konference për shtypin në Financial Times Business of Football Summit.
Një zëdhënës i Komisionit Evropian ka konfirmuar për Associated Press se ka marrë ankesën e La Liga-s, por nuk ka dhënë komente mbi ndonjë hetim në vazhdim.
Ankesa e Tebas lidhet me rregulloret mbi ndihmat financiare nga shtete jashtë BE-së, të cilat mund të krijojnë një çrregullim në tregun e brendshëm evropian.
Po ndodh...
ide
Nëse Amerika mbyll SPAK-un, kush përfiton më shumë, PS apo PD?
Nga Kreshnik Spahiu
A mund të përmirësohet SPAK nga klasa jonë politike?
Nga Blendi Kajsiu
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128