English
Luaj me Fjalëkryq
Lajme flash

Legjenda e Milanit, Barezi: Derbi nuk është më “tabu”, në kampionat mungon….

5 Prill 2025, 13:26 / SPORT ALFA PRESS

Legjenda e Milanit, Barezi: Derbi nuk është më

Franko Barezi, zëvendëspresident nderi i Milanit, ka folur për “Rai” për vështirësitë që e kanë katandisur klubin deri në vendin e nëntë në renditje.

Në fjalën e tij kishte edhe komente për derbin që po rezulton të mos jetë më një “tabu” për kuqezinjtë. Lidhur për ndeshjet me Interin, ish-mbrojtësi u shpreh: “Në derbi sivjet kemi bërë shpesh paraqitje pozitive. Edhe të mërkurën ishte një ndeshje e mirë, mendoj se ishte e balancuar. Milani luajti mirë, kompakt, me shpirt sakrifice. Mëkat që nuk e morëm dot fitoren, pasi kaluam në epërsi. Ne e respektojmë Interin, por gjithçka është ende në ekuilibër me ende një ndeshje për të luajtur. Milani ka treguar po aq sa Interi se mund të luajë në kushte të barabarta, se ne do të kemi një tjetër shans dhe gjithmonë do të krijojmë probleme”.

Më pas, Barezi komentoi problemet sezonale.

“Duhet të përfaqësojmë gjithmonë atë që jemi dhe kë përfaqësojmë, sepse Milani ka treguar gjithmonë se është në nivel me më të mirët në këtë kampionat. Shumë herë ka munguar vazhdimësia, ndaj duhet të dimë se duhet të kemi më shumë vazhdimësi në paraqitjet tona, gjë që çon në marrjen e rezultateve”, përfundoi legjenda kuqezi.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128