English
Luaj me Fjalëkryq
Lajme flash

Partizani ia del me 10 lojtarë përballë Laçit, kualifikohet në gjysmëfinale të Kupës

25 Shkurt 2025, 19:34 / SPORT ALFA PRESS

Partizani ia del me 10 lojtarë përballë Laçit,

Partizani arrin të eliminojë Lacin duke u kualifikuar në gjysmëfinalen e Kupës së Shqipërisë. Ndeshja në “Arenën e Demave” u mbyll 2-1 në favor të të kuqve në një takim që rezultoi spektakolar deri në fundin e saj.

Golin e parë të ndeshjes e shënoi pikërisht Partizani me anë të Podstrelov. Sulmuesi bjellorus gjeti rrugën e rrjetës në minutën e 18-të. Të kuqtë mbetën me 10 lojtarë që prej minutës së 41-të, kur Sembene mori kartonin e dytë të verdhë.

Me nisjen e pjesës së dytë, kurbinasit ishin më kërkues, teksa gjetën barazimin me Bibon në minutën e 57-të. Kur gjithçka u mendua se do të shkonte në shtesë, ishte Albers Keko që “fiku” Laçin.

Sulmuesi i Partizani shënoi në minutën e 89-të të sfidës, duke i dhënë të tijëve një kualifikim drithërues në fundin e sfidës.

Ndërkohë takimi tjetër mes Vllaznisë dhe Elbasanit ka shkuar në shtesë pas barazimit 3-3 në kohën e rregullit. Kujtojmë që të dyja sfidat në ndeshjet e para u mbyllën në barazim pa gola.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128