Lajme flash
Renditja/ Champions League mbush arkat e klubeve evropiane. Ja si kush e mori pjesën “e luanit”
6 Qershor 2025, 12:41 / SPORT
Me finalen e zhvilluar në Mynih, ku Paris Saint-Germain triumfoi me rezultatin e thellë 5-0 ndaj Interit, u përmbyll edicioni i parë i Champions League me formatin e ri.
Kjo ishte hera e parë që PSG e fiton trofeun më të madh evropian për klube, ndërsa turneu shënoi një revolucion në organizim: një grup i vetëm, 36 skuadra pjesëmarrëse dhe një minimum prej 8 ndeshjesh për secilën.
Formati i ri solli më shumë sfida për publikun dhe një kalendar pa ndërprerje, përfshirë muajin janar.
Por përveç aspektit sportiv, u rrit ndjeshëm edhe përfitimi financiar: UEFA ndau plot 2.5 miliardë euro për klubet pjesëmarrëse, shumë më e lartë se cikli i kaluar trevjeçar.
Sipas analizës së Swiss Ramble, PSG kryeson listën me të ardhurat e fituara me 145 milionë euro, ndjekur nga Interi me 132 milionë euro dhe Barcelona me 118 milionë euro. Arsenal, Bayern, Real Madrid dhe Dortmund gjithashtu kaluan kuotën e 100 milionëve.
Çdo klub mori 18.62 milionë euro si bonus pjesëmarrjeje. U dhanë shpërblime për rezultatet fitoret: 2.1 mln euro, barazimet: 700 mijë. Bonuse për kualifikimet në çdo fazë dhe për renditjen në klasifikimin e përgjithshëm.
Lista e plotë përfshin edhe klube si Liverpool 98 mln, Bayer Leverkusen 88 mln, Atletico Madrid 87 mln etj, ndërsa Slovan Bratislava renditet e fundit me 23 milionw euro.
Ky edicion jo vetëm që ndryshoi mënyrën e të luajturit, por edhe balancat ekonomike të futbollit europian, duke u shndërruar në një burim të madh të ardhurash për klubet elitare.
1. PSG – 145 milion euro
2. Inter – 132 milion euro
3. Barcellona – 118 milion euro
4. Arsenal – 118 milion euro
5. Bayern Monaco – 106 milion euro
6. Real Madrid – 105 milion euro
7. Borussia Dortmund – 101 milion euro
8. Liverpool – 98 milion euro
9. Bayer Leverkusen – 88 milion euro
10. Atletico Madrid – 87 milion euro
11. Aston Villa – 84 milion euro
12. Lille – 78 milion euro
13. Manchester City – 76 milion euro
14. Benfica – 71 milion euro
15. Atalanta – 65 milion euro
16. PSV – 64 milion euro
17. Club Brugge – 64 milion euro
18. Juventus – 63 milion euro
19. Feyenoord – 61 milion euro
20. Monaco – 61 milion euro
21. Milan – 60 milion euro
22. Lipsia – 58 milion euro
23. Brest – 52 milion euro
24. Sporting Lisbona – 51 milion euro
25. Celtic – 46 milion euro
26. Stoccarda – 43 milion euro
27. Salisburgo – 42 milion euro
28. Shakhtar Donetsk – 42 milion euro
29. Dinamo Zagabria – 40 milion euro
30. Bologna – 36 milion euro
31. Girona – 33 milion euro
32. Stella Rossa – 32 milion euro
33. Young Boys – 29 milion euro
34. Sturm Graz – 28 milion euro
35. Sparta Praga – 27 milion euro
36. Slovan Bratislava – 23 milion euro
Po ndodh...
83 mandatet nuk janë imunitet për shokët dhe shoqet e Ramës
Nga Gentian Gaba
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128