Shifrat favorizojnë Italinë kundër Shqipërisë, statistikat mes dy ekipeve

11 Qershor 2024, 16:54 / SPORT ALFA PRESS

Shifrat favorizojnë Italinë kundër Shqipërisë,
Shqipëri – Itali, kjo është përballja e parë për dy ekipet në Euro 2024. Më 15 qershor e gjithë vëmendja e shqiptarëve është në Dortmund, teksa kuqezinjtë nisin aventurën në finalet e Europianit “Gjermani 2024”.

Të gjitha statistikat në përballjet direkte flasin për Italinë, ndërsa kuqezinjtë kërkojnë që të shkruajnë historinë.

Italia dhe Shqipëria do të përballen me njëra-tjetrën për të pestën herë në historinë e tyre.

Në katër ndeshjet e mëparshme, të kaltrit kanë fituar gjithmonë. Përplasja direkte më e fundit është miqësorja e luajtur në “Air Albania” më 16 nëntor 2022.

Kombëtarja italiane fitoi 3-1 falë golave të Di Lorenzo dhe Griffo (dopietë). Goli i vetëm i Shqipërisë u realizua nga Ismajli. Në total, Italia ka shënuar 7 gola dhe ka pësuar 2 të tillë ndaj kuqezinjve.

Veç Italisë, Shqipëria përballet edhe me Spanjën dhe Kroacinë në Grupin B të Euro 2024.