Lajme flash
Zyrtare/ Ardian Ismajli transferohet te Torino, kapitull i ri për mbrojtësin e Kombëtares Kuqezi
8 Korrik 2025, 22:13 / SPORT
Ardian Ismajli ka nisur një kapitull të ri në karrierën e tij. Mbrojtësi i përfaqësueses shqiptare është zyrtarizuar si futbollist i ri i Torinos, duke iu bashkuar skuadrës ‘granata’ si lojtar i lirë, pas përfundimit të kontratës me Empolin më 30 qershor.
Klubi torinez e konfirmoi afrimin përmes rrjeteve sociale, ku publikoi një foto me mesazhin: "Mirë se vjen, Isma", duke i uruar mirëseardhjen 28-vjeçarit, i cili pritet të sjellë ofrojë dhe qëndrueshmëri në prapavijën e ekipit.
Ky është një hap i rëndësishëm për mbrojtësin kuqezi, i cili pas dy sezonesh me Empolin, kalon në një skuadër më ambicioze të Serinë A, që synon të rikthehet në garat evropiane.
Ndërkohë, Torino ka nisur përgatitjet për sezonin e ri në qendrën stërvitore "Filadelfia", nën drejtimin e trajnerit të ri, Marco Baroni. Seanca e parë stërvitore u zhvillua në mëngjes, me pjesëmarrjen e plotë të ekipit dhe energji të re në nisje të këtij cikli.
Për Ismajlin, ky transferim përfaqëson një mundësi të rëndësishme për të treguar vlerat e tij në një klub me histori në futbollin italian dhe për të forcuar më tej pozitat e tij edhe në Kombëtaren shqiptare.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128