Tentoi të bëhej gjyqtare, KLGJ rrëzon kërkesën e motrës së Belinda Ballukut, Pamela Qirko

Këshilli i Lartë Gjyqësor ka rrëzuar kërkesën e Pamela Qirkos, ish-anëtare dhe ish-kryetare e Komisionit të Pavarur të Kualifikimit (KPK), e cila synonte të emërohej si gjyqtare në Gjykatën e Apelit të Juridiksionit të Përgjithshëm.

Pamela Qirko, e njohur në publik edhe si motra e ish-zëvendëskryeministres Belinda Balluku, ishte pjesë e listës prej 10 juristësh të institucioneve të vetingut që kishin aplikuar për t’u futur në sistemin e gjykatave të Apelit pas përfundimit të mandatit të tyre kushtetues.

Në mbledhjen plenare të zhvilluar këtë të premte, Këshilli mori vendimin për rrëzimin e kërkesës së saj, duke mos i dhënë dritën jeshile për të veshur togën e zezë në shkallën e dytë të gjyqësorit.

Së bashku me Qirkon, KLGJ rrëzoi edhe kërkesat e 9 kolegëve të saj të tjerë nga KPK (Suela Zhegu, Firdes Shuli, Alma Faskaj, Brunilda Bekteshi, Olsi Komici, Valbona Sanxhaktari, Xhensila Pine, Etleda Çiftja dhe Roland Ilia), duke mbyllur për momentin rrugën e kalimit të tyre të drejtpërdrejtë në trupat gjykuese të Apelit. (BalkanWeb)

Njoftimi:

Sot, më datë 10.07.2026, Këshilli i Lartë Gjyqësor zhvilloi Mbledhjen Plenare të radhës, në të cilën shqyrtoi çështjet si më poshtë:

Në përmbushje të detyrimeve ligjore, Këshilli miratoi raportin e vlerësimit etik dhe profesional të gjyqtares znj. Brunilda Kadi, për vitin 2024.

Këshilli vendosi të shtyjë shqyrtimin e projektvendimit “Për vlerësimin etik dhe profesional të gjyqtarit z. Adrian Shega për periudhën 2021-2023”.

Këshilli vendosi për caktimin me short të relatorit për procedimin disiplinor nr. 1/2026, të filluar ndaj magjistrates znj. Suela Dashi, me funksion gjyqtar në Gjykatën e Shkallës së Parë të Juridiksionit të Përgjithshëm Gjirokastër.

Këshilli vendosi për zgjatjen e afatit të caktimit në skemën e delegimit të gjyqtarit z. Sokol Ibi.

Në vijim, Këshilli miratoi vendimin për ricaktimin e gjyqtarit të skemës së delegimit z. Sokol Ibi, në Gjykatën Administrative të Apelit.

Këshilli vendosi rrëzimin e kërkesave, për caktimin në pozicionin gjyqtar në Gjykatën e Apelit të Juridiksionit të Përgjithshëm për:

znj. Suela Zhegu;
znj. Firdes Shuli;
znj. Alma Faskaj;
znj. Brunilda Bekteshi;
znj. Pamela Qirko;
z. Olsi Komici;
znj. Valbona Sanxhaktari;
znj. Xhensila Pine;
znj. Etleda Çiftja;
z. Roland Ilia.
Pas hedhjes së shortit, Këshilli vendosi për zëvendësimin e nëpunëses përgjegjëse për vlerësimin znj. Merita Karaj në procedurat e vlerësimit etik dhe profesional të gjyqtarëve.

Më tej, Këshilli vendosi për deklarimin e përfunduar pa një vendim përfundimtar të procedurës së verifikimit të pasurisë dhe figurës për kandidaten për në programin e formimit fillestar, në Shkollën e Magjistraturës, viti akademik 2026-2027, profili ndihmës ligjor, znj. Kledjana Llalla.

Këshilli vendosi të shtyjë shqyrtimin e projektvendimit “Mbi rishpërndarjen (transferimin) e fondeve buxhetore në programin 03310, buxheti i gjykatave, në shpenzime korrente, për vitin buxhetor 2026”.

Në përfundim, Këshilli vendosi për miratimin e procesverbaleve të mbledhjeve të Këshillit të Lartë Gjyqësor të datave 29.04.2026 dhe 06.05.2026.

Po ndodh...

12:53 AKTUALITET

Dosja “Revanshi”/ Gjykata e Posaçme dënon me 31 vite burg 5 anëtarët e grupit kriminal (EMRAT)

12:51 POLITIKË

Rama: Nuk do të lejojmë që anëtarësimi në BE të banalizohet

12:28 AKTUALITET

“Mos e përdorni vizën turistike për lindje”/ Ambasada e SHBA-së paralajmëron qytetarët shqiptarë për pasojat: Rrezikoni…

12:17 POLITIKË

Prestigjiozja spanjolle jehonë injorimit që iu bë Ramës nga Trump, El Mundo: Reflektim i dinamikave të ndryshme personale mes liderëve

11:52 BOTA

Kërcënimi/ “Do ta vrasim Trumpin”, Irani zotohet për hakmarrje pas varrosjes së Khameneit

11:38 BOTA

Pse e ndërroi Trump avionin për t’u kthyer nga Turqia?/ Wall Street Journal: Izraeli informoi SHBA-të për një tentativë të Iranit për…

11:29 POLITIKË

Skandali/ Gazeta holandeze: Shpërthen zemërimi ndaj Ramës edhe për ‘Albanian Files’, arkitektët e huaj po ‘reflektojnë’

11:19 POLITIKË

Edhe prestigjiozia "LE MONDE" godet Ramën: Vendi më i varfër në Evropë jep 4 mln euro për një koncert që i shërben interesave të kryeministrit

10:53 POLITIKË

Financimi i Kanye West/ New York Times shkruan për hipokrizinë e Ramës: Antisemitizmi dënohet me fjalë, por sponsorizohet me miliona

10:29 AKTUALITET

Aktivitet bankar pa licencë, Prokuroria e Beratit kërkon masa sigurie për 11 persona, sekuestrohen shuma parash

10:27 EKONOMI&SOCIALE

Arsimi profesional, 18% e të diplomuarve as në punë as në shkollë, 63% të punësuar

10:19 KOSOVA

Kurti para takimit me Hamzën: Presim që takimi të jetë konstruktiv dhe t’i konstituojmë institucionet e legjislaturës së XI

10:16 EKONOMI&SOCIALE

Qeveria shkurton fondet për fermerët, shton te Fondi i Zhvillimit rreth 80 mln euro

10:07 POLITIKË

Toka në “duar të huaja”

Dua të lexoj më shumë lajme