Qeveria shkurton fondet për fermerët, shton te Fondi i Zhvillimit rreth 80 mln euro

Qeveria ka reduktuar fondet e parashikuara për zhvillimin rural dhe mbështetjen e fermerëve, ndërkohë që ka shtuar me 7.5 miliardë lekë, ose rreth 75 milionë euro, buxhetin e Fondit Shqiptar të Zhvillimit.

Sipas të dhënave nga rishikimi i buxhetit, fondi për programin e zhvillimit rural dhe mbështetjen e prodhimit bujqësor, blegtoral, agroindustrisë dhe marketingut është ulur me 113.7 milionë lekë gati 1,5 milionë euro.

Financimi i programit është reduktuar nga rreth 7.69 miliardë lekë, që ishte parashikuar në buxhetin fillestar, në rreth 7.58 miliardë lekë pas ndryshimeve. Në terma përqindjeje, shkurtimi arrin në 1.5%.

Programi përfshin politikat dhe masat që synojnë mbështetjen e fermerëve dhe blegtorëve, zhvillimin e industrisë agropërpunuese, rritjen e prodhimit vendas dhe përmirësimin e tregtimit të produkteve bujqësore.

Ndonëse ulja është relativisht e kufizuar në raport me fondin e përgjithshëm, ajo vjen në një periudhë kur disa nga treguesit kryesorë të bujqësisë dhe blegtorisë po shënojnë rënie.

Sipas të dhënave të INSTAT për vitin 2025, prodhimi i grurit ra me 10.1%, ai i patates me 7.2%, ndërsa prodhimi i pemëve frutore u tkurr me 12.8%. Prodhimi i ullinjve ra me 2.3%, ndërsa prodhimi në serra ishte 0.9% më i ulët krahasuar me një vit më parë.

Dobësi janë shfaqur edhe në blegtori. Në vitin 2024, numri i deleve ra me 3.8%, numri i dhive me 2.2% dhe ai i derrave me 9.4%. Prodhimi i përgjithshëm i qumështit u reduktua me 2.7%, ndërsa prodhimi i mishit në peshë të gjallë ra me 3.8%.

Fondit Shqiptar të Zhvillimit i shtohen 7.5 miliardë lekë

Në të njëjtin rishikim buxhetor, financimi për Fondin Shqiptar të Zhvillimit është rritur ndjeshëm. Buxheti i institucionit është shtuar me 7.5 miliardë lekë, duke arritur në 32.3 miliardë lekë, nga rreth 24.8 miliardë lekë që ishte parashikuar fillimisht. Rritja përfaqëson një zgjerim me 30.2% të financimit total të Fondit Shqiptar të Zhvillimit. Pjesa më e madhe e fondeve shtesë është përqendruar te zëri i përgjithshëm “Programe Zhvillimi”.

Financimi për këtë program është rritur me 5.5 miliardë lekë, duke kaluar nga rreth 14.9 miliardë lekë në 20.4 miliardë lekë. Krahasuar me buxhetin fillestar, rritja është 36.9%.

Vetëm programi “Programe Zhvillimi” përfiton rreth 73% të shtesës së përgjithshme të akorduar për Fondin Shqiptar të Zhvillimit. Ky është një zë i gjerë buxhetor, në të cilin mund të përfshihen projekte infrastrukturore dhe zhvillimore të zbatuara nga FSHZH-ja, si rehabilitimi i rrugëve, rikualifikimi urban, sistemimi i shesheve dhe hapësirave publike, si dhe investimet në zona me potencial turistik dhe ekonomik.

Financime shtesë janë dhënë edhe për programin “Infrastruktura Vendore dhe Rajonale”. Buxheti i tij është rritur me 1.4 miliardë lekë, ose 18.9%, duke kaluar nga rreth 7.4 miliardë lekë në 8.8 miliardë lekë.

Ndërkohë, programi “100 Fshatrat” përfiton një shtesë prej 600 milionë lekësh. Fondi total për këtë program rritet nga 2.5 miliardë lekë në 3.1 miliardë lekë, ose me 24% krahasuar me planifikimin fillestar./ B.Hoxha, Monitor

Po ndodh...

10:07 POLITIKË

Toka në “duar të huaja”

09:18 AKTUALITET

Identifikohet autori i vrasjes së 40 vjeçarit në Laç, ja çfarë dyshon policia (EMRI)

08:55 BOTA

Mori mbështetjen e 322 deputetëve laburistë, kush mund të jetë kryeministri i ardhshëm i Britanisë së Madhe

08:45 SPORT

Botërori 2026/ Renditja e golashënuesve në Botërorin 2026, Mbappé kap Messin në krye

08:32 EKONOMI&SOCIALE

Sa mund të jetë sasia e parave të drogës në ekonominë shqiptare?!

08:22 BOTA

Tragjedi në Spanjë/ Zjarr në pyjet e Almerias, 12 të vdekur, disa prej viktimave u gjetën në makinat e tyre

08:20 AKTUALITET

Moti sot 10 Korrik/ Pritet ditë e nxehtë dhe temperatura deri në 37 gradë

08:07 EKONOMI&SOCIALE

Kursi i këmbimit valutor për sot/ Ja si këmbehen euro, dollari dhe paundi

08:01 JETË

Horoskopi, e premte 10 korrik/ Çfarë kanë rezervuar yjet për dashurinë, punën dhe financat

00:53 POLITIKË

Rubio i dërgon kabllogram ambasadës amerikane në Tiranë: Duam informacione për grupet e ekstremit të majtë

00:10 FJALEKRYQI

Skemë e lirë 10 korrik

23:55 SPORT

Botërori 2026 i yjeve/ Messi, Mbappé dhe Haaland shkëlqejnë në skenën më të madhe të futbollit

23:52 SPORT

Pas tre ofertash dhe negociatash të forta, Interi siguron pasuesin e Dumfries

23:44 SPORT

Derbi shqiptar në Europë/ Vllaznia përmbys Malishevën në “Loro Boriçi” dhe hedh hapin e parë drejt turit tjetër

Dua të lexoj më shumë lajme