Lajme flash
Frattesi heroi i Lazios/ Gattuso merr tri pikët në transfertën ndaj Bolognës
24 August 2026, 23:44 / SPORT
Lazio e ka nisur sezonin e ri të Serie A me fitore, duke mposhtur Bolognën 1-0 në transfertë. Skuadra e Gennaro Gattusos mori tri pikët e para në kampionat falë golit të Davide Frattesit, një prej afrimeve të reja të bardhekaltërve.
Ndeshja në Dall’Ara nisi e kujdesshme, me të dyja skuadrat që u përpoqën të mos linin hapësira. Lazio pësoi një humbje të hershme, pasi Marusic u dëmtua pas vetëm 15 minutash lojë dhe u zëvendësua nga Floriani Mussolini.
Në minutën e 30-të, Dia arriti të dërgonte topin në rrjetë pas përballjes me Skorupskin, por goli nuk u vlefshëm për shkak të pozicionit jashtë loje. Pjesa e parë u mbyll pa gola.
Pas pushimit, Bologna kërkoi të ndryshonte ritmin e takimit. Odgaard provoi portën, por Mandas reagoi në kohë dhe mbajti Lazion në lojë.
Momenti vendimtar erdhi pak para minutës së 60-të. Davide Frattesi, i aktivizuar pak më herët, u kombinua me Dian dhe goditi saktë për të kaluar Lazion në avantazh.
Bologna u përpoq të reagonte, por nuk arriti të gjente golin e barazimit. Lazio ruajti rezultatin deri në fund dhe u largua nga Dall’Ara me tri pikët e para të sezonit.
Për Gattuson, starti vjen me një fitore jashtë fushe, ndërsa Frattesi nis aventurën te Lazio me golin që i dha skuadrës fitoren në ndeshjen hapëse.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128