Ankimoi masën e sigurisë/ Apeli i GJKKO-së lë fuqi pezullimin nga detyra të kreut të KPP, Jonaid Myzyri

Apeli i GJKKO-së ka lënë në fuqi masat e sigurisë të caktuara ndaj kreut të Komisionit të Prokurimit Publik, Jonaid Myzyri.

Jonaid Myzyri kishte apeluar vendimin e GJKKO-së, por gjyqtarja Igerta Hysi la në fuqi masën e pezullimit nga detyra e kreut të KPP dhe atë të detyrim paraqitje.

“Miratimin e vendimit nr. 61, datë 30.06.2025 dhe vendimit nr. 67, datë 04.07.2025 të Gjykatës së Posaçme të Shkallës së Parë për Korrupsionin dhe Krimin e Organizuar”, thuhet në njoftim.

Krahas zyrtarit të lartë, SPAK akuzon edhe 7 punonjës të tjerë të administratës si dhe 3 përfaqësues të një kompanie private. Sipas hetimeve abuzimet janë bërë me tenderin për mirëmbajtjen e aksit rrugor Shpal-Ura e Repsit, me gjatësi totale 58.7 km dhe me vlerë 2.2 milionë euro.

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Igerta Hysi, sot më 28.07.2025, shpalli vendimin mbi çështjen penale nr. 53 akti, datë 21.07.2025 regjistrimi, mbi ankimin e personit nën hetim J.M., me objekt:

1. Ankim ndaj vendimit nr. 61, datë 30.06.2025 të Gjykatës së Posaçme të Shkallës së Parë për Korrupsionin dhe Krimin e Organizuar, me objekt: Caktim mase sigurimi personal me karakter ndalues “Pezullimi i ushtrimit të një detyre a shërbimi publik”, parashikuar nga neni 242 i K.Pr.Penale, si dhe të masës së sigurimit personal me karakter shtrëngues “Detyrimi për t’u paraqitur në policinë gjyqësore”, parashikuar nga neni 234 i K.Pr.Penale.

2. Ankim ndaj vendimit nr. 67, datë 04.07.2025 të Gjykatës së Posaçme të Shkallës së Parë për Korrupsionin dhe Krimin e Organizuar, me objekt: Marrjen në pyetje dhe verifikimin e kushteve të zbatimit të masës së sigurimit personal me karakter ndalues “Pezullimi i ushtrimit të një detyre a shërbimi publik”, parashikuar nga neni 242 i K.Pr.Penale, si dhe të masës së sigurimit personal me karakter shtrëngues “Detyrimi për t’u paraqitur në policinë gjyqësore”, parashikuar nga neni 234 i K.Pr.Penale.”

Miratimin e vendimit nr. 61, datë 30.06.2025 dhe vendimit nr. 67, datë 04.07.2025 të Gjykatës së Posaçme të Shkallës së Parë për Korrupsionin dhe Krimin e Organizuar.

U shpall në Tiranë, më datë 28.07.2025.

Kreu i pezulluar i KPP, Jonaid Myzyri është nën hetim për dyshimet se ka qenë i përfshirë në manipulimin e procedurave të prokurimit publik, së bashku me persona të tjerë, duke cenuar barazinë e konkurrencës në tenderë.

Jonaid Myzyri u mor i pandehur për veprën penale “Shkelje e barazisë së pjesëmarrësve në tendera apo ankande publike”, e kryer në bashkëpunim.

Sipas SPAK, Myzyri dhe shtatë zyrtarë të tjerë kanë favorizuar gjatë një procedure prokurimi një bashkim operatorësh, që kanë depozituar dokumente të falsifikuara.

Sipas SPAK, objekti i këtij hetimi ka qenë procedura e prokurimit me emërtimin: “Mirëmbajtje rutinë me përformancë rruga Rrëshen (Ura e Fanit) – Shpal, Shpal – Q. Bene – Hadroj, Shpal – Ura e Repsit”, me fond limit 219.8 milioë lekë pa tvsh, e zhvilluar më datë 18 shtator të vitit 2020 nga ana e Autoriteti Rrugor Shqiptar, ARRSH.

“I shërbeva si qeni! Ne firmosim si dele, ata marrin lekët”

Zbardhet përgjimi i punonjëses së Komisionit të Prokurimeve Publike, Lindita Skeja e cila implikon drejtuesin e këtij institucioni, Jonaid Myzyri për aferën e tenderit 2.3 mln euro, të mirëmbajtjes së rrugës 58.7 km, “Rrëshen (Ura e Fanit) – Shpal, Shpal – Ura e Repsit”.

Hetimi nisi pas dyshimeve se Myzyri kishte diktuar veprimet e anëtarëve të tjerë të KPP në rastet e shqyrtimit të ankesave ndaj procedurave të prokurimit.

Disa muaj pasi u pyet si person nën hetim, SPAK mori në 24 qershor zyrtarisht të pandehur Jonaid Myzyrin, duke i komunikuar akuzën e shpërdorimit të detyrës dhe shkeljes së barazisë në tenderin për mirëmbajtjen e rrugës së lartpërmendur.

Siç edhe rezulton nga dosja hetimore, një rol të rëndësishëm në artikulimin e akuzave nga ana e Prokurorisë së Posaçme ndaj Myzyrit ka patur edhe biseda telefonike e përgjuar e punonjëses së KPK, Lindita Skeja e cila implikon titullarin në procedurat abuzive të tenderit. Sipas SPAK, një pjesë e këtyre komunikimeve lidhen me akuzën për të cilën dyshohet personi nën hetim, Jonaid Myzyri, kreu i Komisionit të Prokurimeve Publike i pezulluar nga detyra dhe me masë detyrim paraqitje nga GJKKO.

Gazetarja Klodiana Lala ka mësuar detaje nga dosja hetimore, ku në një bisedë të përgjuar, punonjësja Skeja i ankohet bashkëbiseduesit në telefon se kishte firmosur siç i ishte kërkuar nga Myzyri, ndërsa tani asaj i duhej të paraqitej për t’u marrë në pyetje. Në një moment të bisedës ajo thotë gjithashtu se “punonjësit firmosin letrat, ndërsa lekët i marrin të tjerët”. “Vajta i shërbeva si qeni. I shërbeva me sy mbyll… e du edhe pikë. E du kshtu…firmos ne, të gjith si delet. Ime veme ku të n’a thërrasin. Rresht. Firmën ne e lekët ata”, shprehet gjatë bisedës telefonike punonjësja e KPK, Lindita Skeja.

Speaker A (Lindita): Ai na majti kshu… që krijum besim që ne jemi miqtë e atij…ene rrimë të qetë. N’a ofroi mori informacione. Unë vajta dhe i shërbeva si qeni.

Speaker A (Lindita): Vajta i shërbeva si qeni. I shërbeva me sy mbyll… e du edhe pikë. E du kshtu…firmos ne, të gjith si delet. Ime veme ku të n’a thërrasin. Rresht. Firmën ne e lekët ata.

Speaker B: A mos i hongert o Zot.

Speaker A (Lindita): Bojna se e dini ju se ç’ju boj unë, bojna… Më pas

Speaker A (Lindita): Amin…ata hop mrap ere… hop mrapa… hop mrapa me e çoi mu në KPP… më çoi mu në KPP, përballem atje me lloj lloj pislliku…

Speaker B: Pi hiç ere un sve po ene tha Dashi motrës tha mos shko…

Me kërkesë të Prokurorisë së Posaçme kundër Korrupsionit dhe Krimit të Organizuar, Gjykata e Posaçme e Shkallës së Parë, në kuadër të procedimit penal 175/1 i vitit 2022*, me vendimin nr.61, datë 30.06.2025, ka caktuar masën e sigurisë ndaj shtetasit, J. M., i cili mban detyrën e Kryetarit të Komisionit të Prokurimeve Publike, i dyshuar për kryerjen e veprës penale: “Shkelje e barazisë së pjesëmarrësve në tendera apo ankande publike”, e kryer në bashkëpunim, parashikuar nga nenet 258 dhe 25 të Kodit Penal, të cilit i është komunikuar akuza. 

Masa e vendosur përfshin“Pezullimin e ushtrimit të një detyre a shërbimi publik”, parashikuar nga neni 242 i Kodit të Procedurës Penale, si edhe atë të sigurimit personal me karakter shtrëngues,“Detyrimi për t’u paraqitur në policinë gjyqësore”, parashikuar nga neni 234 i Kodit të Procedurës Penale.

Prokuroria e Posaçme kundër Korrupsionit dhe Krimit të Organizuar Tiranë, ka dërguar për ekzekutim vendimin, nr.61, datë 30.06.2025 të Gjykatës së Posaçme të Shkallës së Parë.

Objekti i këtij procedimi penal ka qenë procedura e prokurorimit, me nr. REF-65268-07-13-2020, “Loti V: “Mirëmbajtje rutinë me përformancë rruga Rrëshen (Ura e Fanit) – Shpal, Shpal – Q. Bene – Hadroj, Shpal – Ura e Repsit”, me fond limit 219.866.693 lekë pa tvsh, zhvilluar më datë 18.9.2020, me autoritet kontraktor Autoriteti Rrugor Shqiptar (ARRSH).

Shqyrtimi i procedurës nga ana e autoritetit kontraktor ka pasur paligjshmëri, të cilat Komisioni i Prokurorimit Publik nuk i ka marrë në konsideratë.

Gjatë shqyrtimit të ankesës të procedurës së mësipërme, ky Komision, në kundërligjshmëri ka favorizuar bashkimin e operatorëve ekonomik; A.M., dhe D.-1., ku pas veprimeve hetimore ka rezultuar se kanë paraqitur dokumente të falsifikuara.

Për këtë procedurë prokurimi janë marrë si të pandehur: J.M., V.Zh., L.S., M.Z., E.B., V.H., G.A., dhe A.H.,  të dyshuar për kryerjen e veprës penale: “Shkelje e barazisë së pjesëmarrësve në tendera apo ankande publike”, kryer në bashkëpunim, parashikuar nga nenet 258 dhe 25 të Kodit Penal, si dhe shtetasit; M.L., N.K., dhe A.K., të dyshuar për kryerjen e veprës penale “Falsifikim i vulave, i stampave ose i formularëve”, parashikuar nga neni 190 i Kodit Penal.

pas shqyrtimit të ankesës, dokumentacionit bashkëngjitur, informacionit dhe dokumentacionit të autoritetit kontraktor,

III.1. Lidhur me pretendimin e bashkimit të operatorëve ekonomikë “AEK Munella” sh.p.k. & “Drini-1” sh.p.k. mbi kundërshtimin e vendimit të KVO lidhur me vlerëimin e tij në pikë,

Komisioni i Prokurimit Publik vëren se: III.1.1. Në nenin 3, pika 18 e ligjit nr. 9643, datë 20.11.2006 “Për Prokurimin Publik, i ndryshuar, parashikohet shprehimisht se: “Procedurë e kufizuar” është procedura, përmes së cilës çdo operator ekonomik mund të kërkojë të marrë pjesë, por vetëm operatorët ekonomikë të përzgjedhur nga autoriteti kontraktor mund të dorëzojnë oferta.

III.1.2. Në nenin 31 “Kriteret për Vlerësimin e Ofertës”, të VKM nr. 914, datë 29.12.2014

“Për Miratimin e Rregullave të Prokurimit Publik”, i ndryshuar, parashikohet shprehimisht: Kriteri i ofertës ekonomikisht më të favorshme do të përdoret në kontrata komplekse dhe të një natyre të veçantë që përveç çmimit për punën/mallin/shërbimin, objekt i kontratës, përmbajnë dhe elemente të tjera, që kanë vlerë ekonomike dhe i ngarkojnë autoritetit kontraktor shpenzime të tilla, si kostot e shërbimeve pas shitjes, pjesët e këmbimit, zgjidhjet  më të favorshme teknike, mbështetjen teknike në të ardhmen apo ato që ndotin më pak mjedisin.

Të gjitha kriteret e vendosura për vlerësimin e ofertave duhet të jenë sa më objektive dhe të shprehen në shifra. Në çdo rast, kur kriteret janë më shumë se një, pesha e kriterit të çmimit nuk do të jetë më pak se 50 pikë.

Pikët maksimale që do të marrë një ofertë do të jenë 100 pikë. Për kriteret vlerësuese duhet përcaktuar pesha specifike e secilit kriter dhe konkretisht pikët që do të ketë çdo kriter dhe mënyra e llogaritjes së pikëve për ofertuesit e njëpasnjëshëm.

Formula që zbatohet në këtë rast parashikohet në dokumentet standarde të tenderit.

III.1.3. Në dokumentat e tenderit, kreu II “Udhëzime për operatorët ekonomikë”, Seksioni 4,

“Kriteret e vlerësimit”, janë përcaktuar kriteret e vlerësimit si më poshtë:

Kjo procedurë përfshin dy faza kryesore
Faza 1 – Parakualifikimi: Kandidatët do të dorëzojnë dokumentat e kërkuara në DT. Autoriteti Kontraktor do të shqyrtojë dokumentat e dorëzuara nga Kandidatët dhe do të vlerësojë nëse ky dokumentacion plotëson kërkesat e kualifikimit të përcaktuara në dokumentat e tenderit.

Faza 2 – Ftesa për Ofertë: Autoriteti Kontraktor do të dërgojë një ftesë për ofertë tek

Kandidatët, të cilët, kanë plotësuar kërkesat për parakualifikim duke i ftuar të dorëzojnë një ofertë teknike dhe ekonomike. Ofertat do të shqyrtohen dhe vlerësohen nga Autoriteti Kontraktor për të përcaktuar ofertën fituese.

4.2 Kriteret e përzgjedhjes së fituesit:

A) çmimi më i ulët
Ose

B) oferta ekonomikisht më e favorshme X
lidhur me rëndësinë: Çmimi pikë  etj. pikë

Kriteret e Vleresimit Pikët
(i) Çmimi më i ulët [0-60]

Operatori ekonomik duhet të përshkruajë ofertën.

(ii) Pervoja ne pune e kompanise [0-20]

Operatori ekonomik duhet të përshkruajë punet e relalizuar ne forme CV, shoqeruar

me vertetim punimesh, te kryera ne 10 viteve te fundit.

(iii) Cilësia [0 – 20]

Treguesit dhe analiza cilësore në punë duke përcaktuar elementet e saj si për shembull por pa u limituar në cilësinë e propozimit teknik për sa i përket metodave të përdorura, personelit kryesor, disponueshmërisë së pajisjeve kryesore, organizimi i sitit, siguria, sigurimit të cilësisë, planit të mobilizimit, grafikut të punimeve dhe çdo aktiviteti tjetër siç mund të përcaktohet nga punëdhënësi. Autoriteti Kontraktor duhet të specifikojë pikët për çdo kriter vlerësimi të vendosur.

III.1.4. Referuar bazës ligjore të sipërcituar ku parashikohet se faza e dytë e procedurës së prokurimit objekt ankimi në tërësi i nënshtrohet vlerësimit të tre elementëve kryesorë, të tillë si oferta ekonomike më e favorshme, Pervoja ne pune e kompanise dhe cilësia e cila përfshin treguesit dhe analiza cilësore në punë duke përcaktuar elementet e saj si për shembull por pa u limituar në cilësinë e propozimit teknik për sa i përket metodave të përdorura, personelit kryesor, disponueshmërisë së pajisjeve kryesore, organizimi i sitit, siguria, sigurimit të cilësisë, planit të mobilizimit, grafikut të punimeve dhe çdo aktiviteti tjetër siç mund të përcaktohet nga punëdhënësi.

Komisioni i Prokurimit Publik në analize të dokumentacionit të dorëzuar nga bashkimi i operatorëve ekonomikë “AEK Munella” sh.p.k. & “Drini-1” sh.p.k. në fazën e dytë të procedurës së prokurimit objekt ankimi, konstaton se në lidhje me konmponentin e parë oferta ekonomike më e favorshme ka parqitur formularin e ofertës në vlerën 197.273.824 lekë pa tvsh.

Ndërkohë sa i takon objektit fillestar të ankesës së BOE ankimues lidhur me metodologjinë e propozuar referuar dokumentacionit të administruar në fashikullin e shqyrtimit administrativ e konkretisht informacionit të autoritetit kontraktor, rezulton se ankesa e bashkimit të operatorëve ekonomikë në lidhje me pikëzimin e ofertës së tij në drejtim të metodologjisë është pranuar dhe autoriteti kontraktor ka kryer rivlerësim të procedurës së prokurimit, dhe ka vlerësuar me pikë maksimale (20 pikë) ofertën e bashkimit të operatorëve ekonomikë lidhur me këtë komponent. Nga ana tjetër, KPP konstaton se KSHA ka pranuar pjesërisht ankesën e bashkimit të operatorëve ekonomikë duke mos u shprehur në këtë mënyrë në lidhje me pretendimet që ky i fundit ka në drejtim të metodologjisë së vlerësimit nga ana e autoritetit kontraktor për dy operatorët e tjerë ekonomikë të kualifikuar në drejtim të metodologjisë. Konkretisht,

Komisioni i Prokurimit Publik konstaton se metodologjia e propozuar nga ana e operatorit

ekonomik “Jubica” shpk është vlerësuar me 20 pikë maksimale ndërsa BOE ALB Shpresa&Mela&Xhast shpk është vlerësuar me 17 pikë.

Nga shqyrtimi në tërësi i dokumentacionit të dorëzuar nga operatori ekonomik “Jubica” shpk, Komisioni i Prokurimit Publik konstaton se kështu, në drejtim të grafikut të zbatimit të punimeve, ky i fundit ka deklarua për punimet e rehabilitimit të realizojë brenda 12 muajve, ndarë në disa grupe punimesh, punimet e riparimit/mbushjes së të gjithë gropave, vendosja e sinjalistikës vertikale dhe barrierave mbrojtëse, stabilizimit të dherave në rrugë ( pastrim i tyre, ndërtim i mureve të thjeshtë mbajtës) në sipërfaqen e rrugës brenda 2 muajve të parë nga lidhja e kontratës, ndërkohë punimet e tjera si punime të shtresave asfaltike, të sistemimit  të skaprateve,riparimit të bankinave, për veprat e artit si edhe për strukturat beton arme brenda 13 muajve të parë nga lidhja e kontratës. Ndërkohë, referuar grafikut të punimeve të deklaruar nga ana e bashkimit të operatorëve ekonomikë “AEK Munella” shpk & “Drini 1” shpk është deklaruar realizimi i punimeve të rehabilitimit dhe periodike brenda 6 muajve, duke nisur nga muaji i katërt në muajin e dhjetë brenda vitit të parë, në një periudhë në total ndjeshëm më të shkurtër se sa ajo e operatorit ekonomik “Jubica”.

Gjithashtu, nga verifikimi i dokumentacionit të dorëzuar nga bashkimi i operatorëve ekonomikë përfaqësuar nga operatori ekonomik “Alb Shpresa” shpk rezulton se nuk është dorëzuar grafik i detajuar i propozimit të punimeve.

III.1.5. Akoma më tej në lidhje me metodologjinë në tërësi të dorëzuar, Komisioni i Prokurimit Publik, pasi mori në shqyrtim në rrafsh krahasimor metodologjinë e dorëzuar nga bashkimi i operatorëve ekonomikë ankimues, si edhe bashkimi i operatorëve ekonomikë të vlerësuar me pikët maksimale, përfaqësuar nga operatori ekonomik “Alb Shpresa” shpk rezulton se metodologjia e dorëzuar nga ky i fundit është një përshkrim i përgjithshëm, nuk shfaq një përmirësim të termave të referencës së parashikuar nga ana e autoritetit kontraktor, gjithashtu nuk përmban një plan të mirëfilltë të organizimit të kantierit, numrit të kantiereve  të cilat do të vihen në dispozicion në krahasim me bashkimin e operatorëve ekonomikë ankimues, të cilët kanë deklaruar se do ëtë vënë në dispozicion 2 kantiere, një prej të cilëve në KM 1 të objektit ndërkohë një tjetër në KM 56.8 të objektit.

Gjithashtu, referuar dokumentave të procedurës së prokurimit, është parashikuar se në komponentin e tretë të vlerësimit ( cilësia/metodologjia), vlerësimi do të mbështet duke u bazuar edhe në elementët e organizimit të sitit, sigurisë, sigurimit të cilësisë, planit të mobilizimit. Në lidhje me planin për sigurimin e cilësisë, KPP konstaton se nga ana e bashkimit të operatorëve ekonomikë përfaqësuar nga operatori ekonomik “Alb Shpresa” shpk është dorëzuar një përshkrim i shkurtër narrativ se cfarë do të përmbajë plani, por një plan i detajuar se si do të ndiqet.

Sa më sipër analizuar, KPP vlerëson se në respekt të nenit 31 të Vendimit nr.914 datë 29.12.2014 të Këshillit të Ministrave “Për miratimin e rregullave të prokurimit publik” tëndryshuar, metodologjia e propozuar nga bashkimi i operatorëve ekonomikë “Alb Shpresa” shpk nuk përmbush elementët minimale të kërkuar nga ana e autoritetit kontraktor në drejtim të grafikut të propozuar të punimeve, organizimit të kantierit ndërkohë referuar edhe me sa më sipër arsyetuar, në tërësi metodologjia e propozuar shfaq një përshkrim të përgjithshëm dhe e pa detajuar në përputhje me objektin e kontratës së procedurës së prokurimit objekt ankimi dhe si e tillë ajo duhet vlerësuar me një vlerësim ndjeshëm më të ulët se sa ajo e operatorit ekonomik ankimues, gjithashtu edhe meotodologjia e propozuar nga ana e operatorit tjetër ekonomik “Jubica” duhet vlerësuar me pikë më pak se sa ajo e bashkimit të operatorit ekonomik ankimues i cili, ka propozuar një kohëzgjatje të më shkurtër të realizimit të punimeve, parë në rrafsh krahasimor me atë të operatorit ekonomik “Jubica” shpk. Sa më sipër pretendimi i operatorit ekonomik ankimues qëndron.

Po ndodh...

09:48 AKTUALITET

Zbulohet ‘foleja’ e prostitucionit në Durrës, arrestohen dy kolumbiane, procedohen gjashtë të tjerë

09:21 BOTA

“Forbes” liston 10 vendet më të mira për të jetuar në vitin 2026

09:05 AKTUALITET

I vuri flakën dy automjeteve në Shkodër, arrestohet 19-vjeçari

08:39 KOSOVA

Lëkundje tërmeti në Kosovë, sa ishte magnituda

08:33 EKONOMI&SOCIALE

Këmbimi valutor 15 dhjetor/ Me sa blihen e shiten sot monedhat e huaja

08:28 SHOWBIZ

Regjisori i njohur i Hollivudit dhe gruaja e tij gjenden të vdekur, nis hetimi për vrasje

08:25 BOTA

Anije greke kapet me sasi të madhe kokaine nga Amerika Latine drejt Evropës

08:19 AKTUALITET

Diell dhe temperatura të ulta! Parashikimi i motit për këtë të hënë

08:05 JETË

Horoskopi Ditor E Hënë 15 Dhjetor 2025

00:01 Fjalëkryq

Skemë e lirë 15 dhjetor

23:52 BOTA

I betuari i ISIS-it/ Identifikohet i dyshuari i dytë për sulmin terrorist në Sydney, u mori jetën dhjetëra personave

23:35 AKTUALITET

Shqipëria, parajsa “offshore” për mashtruesit: Turku Veysel Sahin me “call centera”, synon bastet online!

23:21 SPORT

Ernest Muçi vlerësohet me çmimin “Goli më i bukur” i nëntorit

23:00 BOTA

Ukraina pret përgjigjen e SHBA-së për propozimin e fundit të paqes të Kievit, Zelensky fillon takimet diplomatike në Berlin

Dua të lexoj më shumë lajme