Lajme flash
Detaje/ Makinat copë-copë/ Aksident në aksin Fier-Patos, 5 të plagosur në spital (Pamje nga vendngjarja)
19 Nëntor 2023, 22:30 / AKTUALITET
Një aksident ka ndodhur këtë mbrëmje në aksin rrugor Fier-Patos.
Dy automjete janë përplasur në vendin e quajtur ‘Kthesa e Patosit’.
Sipas burimeve nga vendi i ngjarjes mësohet se në këtë aksident automobilistik janë përfshirë automjetet tip Ford Focus me targa AB 864 DM dhe mjeti tjetër Benz me targa AB 500 EU.
Në vendin e ngjarjes kanë shkuar forca të policisë rrugore dhe ekspertët e kriminalistikës për të zbardhur rrethanat e ndodhjes së aksidentit se cilat kanë qënë shkaqet e përplasjes së mjeteve sikundër kanë shkuar edhe tre autoambulanca të urgjencës së spitalit rajonal Fier për të marr të plagosurit e për tu dhënë ndihmën e parë mjekësore në urgjencën e këtij spirali.
Burime nga bluzat e bardha të spitalit rajonal Fier pohuan se kanë mbrritur 4 të plagosur që po u kryhen ekzaminimet. Paraprakisht ata janë jashtë rrezikut për jetën.
Policia informon se ‘rreth orës 21:20, në vendin e quajtur "Kthesa e Patosit" automjeti tip "Benz" me drejtues shtetasin G. G., 20 vjeç, banues në Belinë, Patos, është përplasur me automjetin tip "Ford" me drejtues shtetasin T. Rr., banues në Patos.
Si pasojë e përplasjes janë dëmtuar dy drejtuesit e mjeteve dhe tre pasagjerët në mjetin tip "Ford", shtetasi I. Rr. dhe shtetaset Sh. Rr. dhe L. Rr., të cilët ndodhen në spital, në kujdesin e mjekëve.
Grupi hetimor po punon për zbardhjen e plotë të shkaqeve të aksidentit.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128