English
Luaj me Fjalëkryq
Lajme flash

E rëndë në Malësinë e Madhe! 34-vjeçari sulmon të moshuarën në rrugë, tenton t’i marrë paratë

19 Janar 2024, 16:24 / AKTUALITET ALFA PRESS

E rëndë në Malësinë e Madhe! 34-vjeçari sulmon

Një 34-vjeçar ka rënë në prangat e policisë ditën e sotme në Malësinë e Madhe, pasi ka tentuar t’i vjedhë çantën një gruaje të moshuar.

Mësohet se i riu ka sulmuar gruan 73-vjeçare në rrugë, dhe ka tentuar t’i marrë nga çanta një shumë prej 15,500 lekësh që ajo kishte. 34-vjeçari është pikasur nga patrulla e policisë së zonës dhe është ndaluar në flagrancë.

Njoftimi i policisë:

Malësi e Madhe

Tentoi t’i merrte me dhunë, çantën me një shumë parash, një 73-vjeçareje, ndërhyrja e menjëhershme e shërbimeve të Policisë, parandalon ngjarjen.

Kapet në flagrancë, nga shërbimet e Patrullës së Përgjithshme, të planëzuara në shërbim në këtë zonë, autori i dyshuar.

Sekuestrohet çanta me 15 500 lekë të rinj që tentoi t’i merrte 34-vjeçari, të moshuarës.

Mesditën e sotme, punonjësit e Policisë të planëzuar me shërbim në terren, për goditjen e paligjshmërive dhe rritjen e parametrave të sigurisë, kanë konstatuar një shtetas që po tentonte t’i merrte me dhunë çantën një shtetaseje të moshuar.

Menjëherë kanë ndërhyrë shërbimet e Patrullës së Përgjithshme që ishin me shërbim në këtë zonë, për të parandaluar vjedhjen dhe për të vënë në pranga autorin.

Si rezultat i veprimeve të shpejta dhe profesionale është kapur në flagrancë dhe është vënë në pranga autori i dyshuar, shtetasi:

E. T., 34 vjeç, banues në fshatin Rec, Malësi e Madhe.

Gjithashtu u sekuestrua çanta me 15 500 lekë të rinj, që mbante 73-vjeçarja (pensioniste).

Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128