Festuan 111-vjetorin e Pavarësisë me flamuj e fishekzjarrë në rrugët e Londrës, policia arreston disa shqiptarë

29 Nëntor 2023, 09:23 / AKTUALITET ALFA PRESS

Festuan 111-vjetorin e Pavarësisë me flamuj e fishekzjarrë

Qindra emigrantë shqiptarë janë mbledhur mbrëmjen e djeshme në qendër të Londrës për të festuar 111-vjetorin e Pavarësisë.

“Dailymail” shkruan se rrugët rreth “Westminsterit” u bllokuan nga qindra shqiptarë që valëvitnin flamuj dhe ndiznin fishekzjarre. Shqiptarët nxorën nga garazhet makinat e tyre luksoze, teksa kanë “ngritur në këmbë” qytetin me zhurmën e burive.

Policia Metropolitane konfirmoi se janë arrestuar disa shqiptarë, të cilët kanë hedhur fishekzjarre si dhe kanë qëlluar me shishe drejt policëve.

Policia lëshoi një urdhër që shqiptarët të largoheshin nga rrugët e Londrës qendrore, por ata nuk i janë bindur urdhrit dhe kështu janë bërë disa arrestime për bllokimin e rrugëve dhe prishjen e qetësisë publike.