“Ka kërkuar punë në Shkodër!”- Zhdukja e 28-vjeçarit australian në Valbonë, flet i vëllai: Më njoftoi pronari i hotelit! Ai ishte ndarë nga grupi dhe ishte nisur për…

Vëllai i një australiani 28-vjeçar, Cameron Twiss, që është zhdukur në Valbonë prej disa muajsh teksa ishte duke eksploruar vendin, ka folur për zhdukjen e të vëllait dhe kontaktet e fundit me të.

Në emisionin “Me zemër të hapur” në News 24, ai ka treguar se Cameron ishte një udhëtar pasionant, që preferonte të udhëtonte vetëm dhe të shijonte natyrën.

Sipas tij, ai është njofuar nga pronarët e një hoteli në Shkodër, ku Cameron ka qëndruar dhe ku kishte shprehur dëshirën për të punuar.

Siç ka treguar vëllai i të riut të zhdukur, Cameron kishte biseduar me pronarin e hotelit për mundësinë e punësimit në këmbim të akomodimit.

Vëllai i australianit të zhdukur: Kontaktet me vëllanë i kam pasur në fillim të tetorit 2024. Vëllai ka qenë ndërmjet Valbonës dhe Thethit. Janë bërë disa kërkime me helikopter, por s’është gjetur gjë. Mikeli i hostelit në Shkodër më ka njoftuar. Pronari i hotelit më tha se Cameron u shkëput nga turma e shkoi drejt Thethit dhe kur nuk u kthye pas 10 ditësh, pronari në këtë moment ka lajmëruar policinë dhe familjen. Kryesisht në grup ishin dhe shqiptarë nga Tirana. Cameron ishte i vetmi i huaj mes shqiptarëve të tjerë. Mikeli më ka thënë se Cameron donte që të ecte vetëm.

Cameron ka qejf shumë udhëtimet në natyrë. Ka shëtitur i vetëm edhe në Shqipëri. Ai ka qenë edhe në vende të tjera të Europës dhe ka qenë edhe në Shqipëri, pasi ia kanë rekomanduar. Sa duket, ka provuar që të punojë në Shkodër. I ka thënë pronarit të hotelit, që mund të punoj që mos të paguaj. Ka punuar në një restorant edhe në Angli. Unë udhëtova në Shqipëri dhe sërish mu thanë të njëjtat gjëra. Kemi shumë pak informacion dhe nuk dimë se cila është pista.

Zhdukja e të riut që nga tetori i vitit të kaluar ka shqetësuar dhe alarmuar familjen e tij. Cameron kishte qëndruar me çiftin Mikel Vuksanaj dhe Irene Gjoni, pronarë të një hoteli në Shkodër.

Më 11 tetor, Cameron darkoi me pesë shqiptarë në shtëpinë e Mikel Vuksanajt. Katër të tjerët ishin bashkëshortja e Mikelit, dy nga nipërit e tij dhe një tjetër shqiptar që qëndronte me ta. Më 12 tetor, ai u vendos në bujtinën “Kol Gjoni” në Valbonë, i shoqëruar nga Mikel Vuksanaj dhe një nga nipërit e tij.

Më 13 tetor, rreth orës 05:30, Mikel Vuksanaj, nipi i tij dhe Cameron u nisën me një grup prej 50 shqiptarësh nga Tirana, drejt majës më të lartë në Shqipëri. Rreth orës 07:00, Cameron shprehu dëshirën për të shkuar direkt në Theth, në vend të itinerarit të planifikuar, dhe vendosi të ndahej nga grupi që do të ndiqte shtegun drejt majës.  Ai pritej të mbërrinte në Theth rreth orës 11:00, për të ngrënë drekë dhe më pas të kthehej në Valbonë po atë ditë.

Atë ditë, Cameron shkëmbeu mesazhe zanore me dy miq dhe gjithashtu i dërgoi mesazhe zanore me përmbajtje të ngjashme një shoku tjetër. Të gjitha mesazhet dhe informacionet rreth zhdukjes së shtetasit australian janë dorëzuar në Policinë e Shkodrës, por familjarët shprehen se autoritetet nuk kanë treguar ndonjë interes.

Të gjitha rrobat, laptopi dhe pasaporta e Cameron mbetën në shtëpinë e Mikel Vuksanajt, ku ai po qëndronte. Janë kryer kërkime intensive, si në terren ashtu edhe me dronë, për të parë nëse ai mund të kishte rënë diku, por pa sukses.

Po ndodh...

00:00 Fjalëkryq

Skemë e lirë 14 dhjetor

22:30 AKTUALITET

Aksident me vdekje në Tiranë

22:15 POLITIKË

Bashkia i dha leje babait të Suel Çelës për zgjerimin e tregut ushqimor, përveç socialistëve, edhe PD “pro” bandës së Elbasanit

22:12 POLITIKË

“Kam kërkuar grevë urie”, Kalaja: Protesta kombëtare e PD e vonuar!

21:55 POLITIKË

PD s’do e ankimojë Avokatin e Popullit në Kushtetuese, Berisha: Le ta gëzojë Rama

21:41 POLITIKË

“Ma ke kërkuar firmën për Shabanin”, Salianji i përgjigjet akuzave të Himçit: Qesharak bëhesh dhe me vetëdije, të kanë detyruar ta thuash

21:36 POLITIKË

“U përplasëm për gjeneratorin”, Lapaj tregon sherrin me policinë poshtë Kryeministrisë

21:29 POLITIKË

“Kadiu s’ka qenë në SHBA, por në fushatë. Tërhiq fjalën “gënjeshtar”! Zbardhet përplasja e Salianjit me Berishën

21:13 POLITIKË

Hysen Kadiu i përgjigjet Berishës: Gjatë fushatës së 11 majit punova për PD, jo për Ramën! Uji i ndenjur ka nevojë për rifreskim

21:04 POLITIKË

'Firmat për Shabanin gabim', Agron Gjekmarkaj dorëzon dorëheqjen si nënkryetar i PD-së, por Berisha nuk ia pranon!

20:55 POLITIKË

''Suel Çela ka shantazhuar...''/ Zbardhet debati Salianji-Noka në kryesi, ndërhyn dhe deputeti i Elbsanit

20:35 POLITIKË

Debatet brenda mbledhjes së Kryesisë, Salianji rrethohet nga gazetarët, Sali Berisha ikën në heshtje nga selia

20:29 POLITIKË

"Të mbajmë ty me makinë 100 mijë euro", Bislim Ahmetaj ia "plas" në sy Nokës: Salianji erdhi me shkop bejsbolli...Dil Flamur, a mbledh dot njerëz ti?

20:26 POLITIKË

Agron Gjekmarkaj jep dorëheqjen si nënkryetar i PD-së!

Dua të lexoj më shumë lajme