Me uniforma policie për të grabitur banesën në fshatin Prush, grabitësit rrezikuan jetën e një efektivi gjatë arratisë

9 Dhjetor 2023, 22:06 / AKTUALITET ALFA PRESS

Me uniforma policie për të grabitur banesën në fshatin

Disa orë pas një grabitje në fshatin Prush të Tiranës, të tjera detaje dalin në dritë. Tre autorët e grabitjes së banesës së të moshuarve, identiteti i të cilëve nuk dihet ende, ishin të veshur me uniforma policie në momentin kur kanë hyrë në banesën e shtetasit G.H.

Ndërhyrja në kohë e policisë parandaloi grabitjen e mëtejshme, por jo arrestimin e tyre. Sapo kanë parë policinë, 3 grabitësit janë larguar nga banesa dhe janë përleshur edhe me një efektiv.

Ky i fundit është përpjekur për t’i ndalur kur ata po largoheshin me një automjet tip Audi. Madje, efektivi i policisë ka hapur derën e drejtuesit të mjetit, por ata e kanë shtyrë efektivin i cili është rrezuar dhe me pas grabitësit janë larguar.