Lajme flash
Dosja "Buka"/ SPAK shtyn për të disatën herë hetimet ndaj Arben Ahmetajt
2 Prill 2025, 11:00 / AKTUALITET
Gjykata e Posaçme ka miratuar kërkesën e SPAK, për të shtyrë për të disatën herë hetimet ndaj Arben Ahmetajt lidhur me dosjen “Buka”. GJKKO i dha edhe 3 muaj kohë organit hetues të plotësojë hetimet lidhur me akuzën e shpërdorimit të detyrës.
Siç duket organi i akuzës akoma nuk ka gjetur prova për ish-zv.kryeministrin.
Arben Ahmetaj akuzohet nga SPAK se ka favorizuar për të privatizuar shoqërinë “Buka sha” nga biznesmeni Lirim Fezollari. Hetimet për Ahmetajn për këtë çështje nisën pas kallëzimit të familjes Myderizi, të cilët pretenduan se humbën pronën, ndërsa SPAK ngriti dyshimet se privatizimi solli një dëm prej 7 miliardë lekësh shtetit dhe pronarëve legjitim.
Ndërkohë, Arben Ahmetaj ndodhet në kërkim nga drejtësia shqiptare për dosjen e inceneratoreve i akuzuar për veprat penale të korrupsionit, pastrimit të parave dhe fshehjes së pasurisë, pasi gjykata caktoi masën arrest në burg. Edhe për këtë çështje, muajin e kaluar SPAK shtyu për herë të tretë deri më 23 qershor hetimet.
Ndaj Ahmetajt kryhet edhe hetim pasuror, në kuadër të të cilit i janë sekuestruar dy vila, apartamente dhe llogari bankare.
Po ndodh...
Rama-Meta, si aleanca e 1 Prillit zhbëri Shqipërinë
Nga Namir Lapardhaja
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128