Lajme flash
Detaje nga vrasja e 22-vjeçares shqiptare që u gjet e pajetë në valixhe, prindërit e të dashurit ishin në banesë kur ndodhi krimi
3 Prill 2025, 08:09 / AKTUALITET
“Kërkoj falje”, ka deklaruar 23-vjeçari filipinas Mark Antony Samson, i cili pranoi se kishte vrarë 22-vjeçaren shqiptare Ilaria Sula. Gjatë marrjes në pyetje shtoi se “Më vjen keq për atë që bëra”.
Krimi makabër dyshohet se ka ndodhur në banesën e të riut në Via Homes 16, në lagjen Africano, teksa prindërit e tij ndodheshin në shtëpi, por ende nuk dihet roli i tyre në krim.
23-vjeçari Mark Antony Samson, i cili pranoi krimin dhe u arrestua për vrasje e fshehje të një kufome, deklaroi se e kishte vrarë me thikë Ilaria Sulën pas një debati mes tyre në banesë.
Në trupin e studentes shqiptare, janë gjetur disa plagë me thikë, njëra prej të cilave në qafë.
Pasi krimit, i riu filipinas ka mbyllur trupin e saj në një valixhe dhe e ka dërguar me makinë në zonën pyjore të Polit, rreth 50 km larg shtëpisë, ku e ka hedhur nga shkëmbi.
Hetuesit janë në kërkim të celularit të vajzës, të cilin i riu dyshohet se hodhi një pusetë në Romë dhe armën e vrasjes të hedhur në një kazan në lagjen Montesacro.
Ilaria raportohet se ka pasur një lidhje me Samson. Ka qenë analiza e tabulateve dhe qelive të telefonit të saj që inkriminoi 23-vjeçarin, pasi vrasësi ka përdorur telefonin e viktimës për të postuar në profilin e Ilarias në rrjetet sociale.
Prokuroria sqaroi se trupi nuk ishte prerë në copa dhe se Samson ndihmoi hetuesit të gjenin valixhen.
Tallja e Ramës me integrimin në BE
Nga Namir Lapardhaja
ide
“Kush flet më për Lulzim Bashën?!”
Nga Sidi Hasanaj
Basha surpriza e kësaj fushate!
Nga Alban Daci
Rama përball Starmer/ Dy Kryeministra, dy botë!
Nga Lutfi Dervishi
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128