English
Luaj me Fjalëkryq
Lajme flash

UEFA zbulon “pasurinë” e klubeve të Superiores. Fituan 2,7 mln euro nga Europa, u shpërndahen 1,2 mln euro për akademitë

3 Prill 2025, 23:20 / SPORT ALFA PRESS

UEFA zbulon “pasurinë” e klubeve të Superiores. Fituan 2,7

Kongresi i UEFA-s në Beograd sot ka miratuar edhe tabelat e raportit financiar të vitit sportiv 2023-2024 dhe aty janë publikuar edhe të ardhurat që kanë hyrë në çdo shtet nga UEFA si rrjedhojë e pagesave nga kompeticionet ndërkombëtare.

Në këtë raport bëhej e ditur se nga fondet e UEFA që cilësohen fonde solidariteti, në futbollin tonë në edicioni 2023-2024 kishin hyrë rreth 6,6 milionë euro. Por pjesa më e madhe e këtyre fondeve ishin me destinacion klubet shqiptare.

Kështu, klubet kanë siguruar rreth 2,7 milionë euro nga pjesëmarrja e katër skuadrave në Kupat e Europës, të ndara mes Ligës së Kampioneve dhe Ligës së Konferencës, duke marrë për bazë bonuset fikse të UEFA-s dhe një pjesë që u takon nga shitja e përbashkët e të drejtës TV.

Ndërkohë, fondi i solidaritetit që shkon për akademitë e skuadrave të Superiores për këtë edicion ishte rreth 1,2 milionë euro, një shifër e ndjeshme që në teori duhet të shkojë për futbollin e të rinjve të 10 skuadrave. Një shumë e lartë, por të cilën klubet e Superiores shpesh e përdorin për qëllime të tjera, e rrallëherë shkon në destinacionin e caktuar nga UEFA.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128