English
Luaj me Fjalëkryq
Lajme flash

Bushati: Primaret ishin farsë dhe tallje me opozitarët, ju nuk folët! Jorida Tabaku: Kam folur brenda strukturave

3 Prill 2025, 23:43 / POLITIKË ALFA PRESS

Bushati: Primaret ishin farsë dhe tallje me opozitarët, ju nuk

Jorida Tabaku, ka qenë e ftuar në emisionin "Të Paekspozuarit" në MCN TV, ku ka debatuar me gazetarin Andi Bushati lidhur me primaret dhe demokracinë e brendshme në PD. 

Bushati tha se për mospërfilljen totale të Berishës ndaj primareve që i organizoi vetë, duhet mbajtur një qëndrim dhe se Tabaku e shmang këtë. 

Deputetja e PD deklaroi se ka folur brenda strukturave të partisë, por shtoi se ajo ka gjuhën e vetë dhe nuk i pëlqejnë etiketimet. 

Andi Bushati: Qëndrimi i Tabakut këtu më duket konformizëm i plotë. Ne nuk po diskutojmë fatin personal të Jorida Tabakut. Padyshim me kontributin që ju keni, nënkryetare, e me rradhë, ju shkoni përtej emrit tuaj, duke shkuar përtej emrit, duhet të fisnit edhe për Kadiun që doli i pari në primare dhe nuk ekzsiton fare sot. Çështja është që ju sot po anashkaloni një farsë që sapo ndodhi në partinë tuaj, primaret. Të çosh një trupë partiake të votojë dhe mos t'i marrësh për bazë fare, nuk lidhet vetëm me fatin personal të Tabakut por është çështje e demokracisë në parti, i mesazhit që u jep qytetarëve. Nëse ju intereson vota e demokratëve që mendojnë ndryshe dhe që u shkelni syrin që më keni mua, duhet të ngrini zërin për këtë. Ju mund të fitoni, por padrejtësia qëndron prapë aty. Kjo nuk tejkalohet dhe është një gjë për të cilën jeni e dënuar të mbani qëndrim dhe të mos tregoheni konformiste.

Jorida Tabaku: Kemi debtuar edhe publikisht shumë gjëra. Për primaret, e thashë, a është instrument që duhet ta ndryshojmë dhe përmirësojmë? Patjetër. Ose ta përdorim të plotë ose të mos e zhvillojmë. 

Andi Bushati: Pra ishte një farsë që u tallën me demokratët.

Jorida Tabaku: Këto fjalët pastaj, kope, farsë, nuk janë në fjalorin tim. Nëse ka qenë diçka që kam mësuar në debatin e PD, është që këto mendime ti them brenda strukturave dhe i kam thënë. Kam folur për primaret. Por kjo është e shkuar.

Andi Bushati: Është thelbësore kjo. Ku u gabua te farsa e kopeve? Politikani mban qëndrime për gjënë. Një njëri që sheh defektet i thotë propozimet si rregullohet.

Jorida Tabaku: Patjetër dhe e kam bërë këtë diskutim. Unë nuk kam ardhur këtu të diskutoj gjërat e brendshme të partisë.

Andi Bushati: Është problem i demokracisë. 

Jorida Tabaku: Instrumenti i primareve duhej shtrirë në kohë, për të gjithë nivelet e partisë dhe duhej parë në raport me aleancat. Duhet të jetë instrument praktik dhe jo teorik. Duhet përmirësuar sepse krijon konflikte të brendashme në parti. Procesi i primareve më tregoi se kam mbështetje te strukturat. Problemi është që duhet përkthyer në mbështetje në elektorat.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128