Lajme flash
Tragjedia me 40 të vdekur në Zvicër, lirohet pronari i lokalit: Pagoi garanci mbi 200 mijë euro
23 Janar 2026, 21:17 / BOTA
Një gjykatë në kantonin e Valais ka urdhëruar lirimin nga paraburgimi të Jacques Moretti, bashkëpronar i lokalit në resortin e skive Crans Montana, ku gjatë natës së Vitit të Ri humbën jetën 40 persona, kryesisht të rinj.
Lirimi u vendos pasi Moretti pagoi një garanci prej 215 mijë eurosh. Gjykata bëri të ditur se masa e paraburgimit është hequr, ndërsa ndaj tij janë vendosur masa kufizuese për të shmangur rrezikun e arratisjes.
Ashtu si bashkëshortja e tij Jessica Moretti, e cila nuk ishte arrestuar, edhe ndaj Jacques Moretti janë vendosur detyrime të rrepta, përfshirë:
ndalimin e largimit nga Zvicra,
dorëzimin e dokumenteve personale të identifikimit,
paraqitjen e përditshme në një stacion policie,
pagesën e një garancie prej rreth 200 mijë frangash zvicerane.
Sipas mediave të huaja, Moretti ndodhej në paraburgim që prej datës 9 janar, si pjesë e hetimeve për tragjedinë që la pas 40 të vdekur dhe 116 të plagosur.
Gjykata theksoi se, në përputhje me parimin e prezumimit të pafajësisë, çdo person i dyshuar duhet të qëndrojë i lirë deri në përfundim të gjykimit, përveç rasteve kur ekziston rrezik i lartë për arratisje ose pengim të hetimeve.
Sipas hetimeve paraprake, zjarri në lokalin “Le Constellation” u shkaktua nga fishekzjarre të përdorura në ambiente të mbyllura, të cilat ndezën materialin izolues akustik në tavanin e bodrumit.
Autoritetet po hetojnë nëse lokali respektonte rregullat e sigurisë dhe mbrojtjes nga zjarri, si dhe përgjegjësitë e pronarëve për ngjarjen tragjike.
Po ndodh...
Po të donte Sali Berisha, Edi Rama do të binte nesër!
Nga Bato Kosova
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128