Gazetarët europianë thirrje BE-së: Ndalo Hungarinë, po tenton të pengojë shtypin e lirë

Një ligj i propozuar në Hungari nga partia e Kryeministrit Viktor Orban, ka bërë që më shumë se 90 kryeredaktorë dhe botues nga e gjithë Europa të nënshkruajnë një deklaratë ku i bëjnë thirrje Bashkimit Europian që të veprojë për të mos lejuar censurën e shtypit të lirë.

Sipas ligjit të propozuar nga qeveria, ekzekutivi hungarez do të ketë mundësinë që të monitorojë dhe penalizojë apo ndalojë çdo organizatë që merr financim të huaj, duke përfshirë donacionet apo grantet e BE-së.

Sipas kryeredaktorëve që kanë nënshkruar deklaratën, kjo do të penalizonte apo ndalonte shumë media të pavarura dhe OJQ të angazhuara në çështjet publike.

Ligji i propozuar nga partia e djathtë në qeveri, u kundërshtua nga opozita hungareze.

Sipas gazetarëve europianë, ligji hungarez është i ngjashëm me sjelljet dhe veprimet autoritare të përdorura në Rusi ndaj mediave.

Sipas projektligjit hungarez, qeveria do të ketë të drejtën të fusë në listë të zezë organizata, të vendosë gjoba ndaj tyre dhe madje t’i ndalojë të marrin donacione të huaja.

Kryeredaktorët, redaktorët dhe botuesit që kanë nënshkruar deklaratën, kërkojnë nga BE-ja që të ndërmarrë çdo veprim për të mos lejuar miratimin e këtij projektligji në Hungari.

“Qëllimi i tij është të shuajë të gjithë zërat kritikë dhe të eliminojë atë që ka mbetur nga demokracia hungareze”, thuhet në deklaratën e gazetarëve.

Kryeministri Viktor Orban është në pushtet që prej vitit 2010 dhe shpeshherë është akuzuar se po dobëson institucionet demokratike dhe minon sundimin e ligjit në Hungari.

Sot, 26 ligjvënës të Bashkimit Europian nënshkruan një letër duke i bërë thirrje Brukselit që të pezullojë të gjitha fondet për Hungarinë.

Ndërsa një zëdhënës i Qeverisë Hungareze, Zoltan Kovacs, tha se projektligji u hartua pas shqetësimeve se organizata të financuara nga SHBA-ja dhe Brukseli po përdoren për të orientuar diskursin politik në vend.

Po ndodh...

08:02 JETË

Horoskopi Ditor E Enjte 18 Dhjetor 2025

Nga Ola Xama 00:41 POLITIKË

Zyrtarët e akuzuar nga SPAK për korrupsion do të menaxhojnë 800 mln euro vitin e ardhshëm

Nga Ola Xama

00:24 POLITIKË

Milionat e AKSHI-t/ Geron Meçe u ‘eleminua’ nga ortakëria me baxhanakun e Ramës pasi u thirr në SPAK, pengmarrja pas rezistencës

00:02 SPORT

Deklarata e fundit, presidenti i Beshiktashit për Ernest Muçin: Nuk ka asnjë alternativë tjetër

00:00 Fjalëkryq

Skemë e lirë 18 dhjetor

23:53 SHOWBIZ

Pas Dolces, Edi përfundon në krahët e Bias?

23:52 SPORT

“Çdo trofe duhet të nderohet dhe në duam ta fitojnë atë”/ Kivu, në kërkim të Superkupës së parë në karrierë

23:50 AKTUALITET

Drama e 87-vjeçarit të verbër në Përrenjas/ Shteti e le pa shtëpi dhe pa kemp

23:45 BOTA

Zyrtarët amerikanë dhe rusë do takohen sërish në fundjavë në Majemi për paqen në Ukrainë! Kushner pjesë e delegacionit të SHBA

23:37 BOTA

“Paguaj 2.5 miliardë paund ose do të dërgoj në gjyq”, Kryeministri britanik mesazh Abramovich-it

23:31 POLITIKË

SPAK kërkon arrestimin e Ballukut! Shehaj thërret protestë të premten, në orën që Kuvendi shqyrton imunitetin e zv/kryeministres

23:20 SPORT

Manchester City bën detyrën në Carabao Cup, mund me lehtësi Brentfordin

23:09 KOSOVA

Osmani: Kosovës në fund të janarit i hiqen të gjitha masat

22:57 AKTUALITET

Itali/ Shoferi shqiptar i kamionit humb jetën gjatë punës në portin e Triestes

Dua të lexoj më shumë lajme