English
Luaj me Fjalëkryq
Lajme flash

Sulmi terrorist në Moskë/ Katër autorët e dyshuar lihen dy muaj në paraburgim, dy prej tyre pranojnë akuzat

25 Mars 2024, 07:37 / BOTA ALFA PRESS

Sulmi terrorist në Moskë/ Katër autorët e dyshuar lihen dy

Katër të arrestuarit të akuzuar për kryerjen e sulmit terrorist të së premtes në sallën e koncerteve Crocus City Hall në periferi të Moskës, ku mbetën të vrarë 137 persona, janë lënë në paraburgim për dy muaj nga një gjykatë në kryeqytetin rus.

Gjykata i la autorët e dyshuar në masën e paraburgimit deri më 22 maj, në pritje të gjykimit, fillimi i të cilit ende nuk është caktuar. Ndaj mendohet se periudha e qëndrimit të tyre në paraburgim mund të zgjatet. Katër të akuzuarit për “terrorizëm” rrezikojnë burgim të përjetshëm.

Dy të pandehur thuhet se kanë pranuar fajësinë: Dalerzon Mirzoev dhe Saidakrami Murondali Ratchabalizonda. Sipas BBC, ata iu drejtuan gjykatës në taxhikisht me ndihmën e një përkthyesi.

Dy të tjerët quhen Samsindin Faridouni dhe Muhammadsobir Faizov. Autoritetet ruse kanë thënë se të pandehurit janë “shtetas të huaj”, pa specifikuar kombësinë e tyre.

Taxhikistani është një ish-republikë sovjetike në Azinë Qendrore ku Islami është feja mbizotëruese. Agjencia e lajmeve RIA Novosti raportoi se një nga të pandehurit punonte në një sallon bukurie në qytetin e Ivanovo, në verilindje të Moskës.

Një tjetër është babai i një foshnjeje tetë muajshe, një punëtor fabrike në qytetin e Poldosk, në periferi të kryeqytetit rus. Organizata xhihadiste Shteti Islamik mori përgjegjësinë për sulmin terrorist. Presidenti rus Vladimir Putin pretendoi, pa dhënë prova, se disa persona në Ukrainë kishin bërë përgatitje për të ndihmuar terroristët të kalonin kufirin rus. Kievi ka mohuar çdo përfshirje në sulm.

Të arrestuarve për sulmin terrorist në Moskë u lidhën sytë për t’u marrë në pyetje. Ata u dërguan në një ndërtesë për t’u marrë në pyetje, siç shihet në një video të publikuar nga Komiteti Hetues i Federatës Ruse. Në video, të dyshuarit shihen duke u mbajtur nga rojet e sigurisë teksa nxirren nga kamionët dhe dërgohen për t’u marrë në pyetje, ndërsa në fytyrë kanë dukshëm shenja dhune.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128