English
Luaj me Fjalëkryq
Lajme flash

Paralajmërimet e Trump për tarifat ndaj produkteve të importit, Presidenti i SHBA: Fillojnë më 2 prill! Fermerët vendas të përgatitet për prodhim

3 Mars 2025, 21:10 / BOTA ALFA PRESS

Paralajmërimet e Trump për tarifat ndaj produkteve të importit,

Presidenti i SHBA-së, Donald Trump, ka paralajmëruar fermerët amerikanë për tarifat për produktet e importit, duke u thënë atyre që të përgatiten për të shitur produktet e tyre brenda SHBA-së.

“Për fermerët e mëdhenj të Shteteve të Bashkuara: Bëhuni gati të filloni të prodhoni shumë produkte bujqësore për t’u shitur BRENDA SH.BA. Tarifat do të hyjnë në fuqi për produktet e huaja më 2 prill.”, shkruan Trump në Truth Social.

Kujtojmë se presidenti amerikan javët e fundit ka bërë njoftime të njëpasnjëshme për vendosjen e tarifave.

Javën e kaluar Trump tha se SHBA do të vendosë tarifa 25% ndaj Kanadasë dhe Meksikës dhe 10% shtesë ndaj Kinës, në krye të tarifës prej 10% që ai vendosi ndaj Kinës muajin e kaluar.

“Këto tarifa në fakt do të hyjnë në fuqi siç është planifikuar, derisa kriza e fentanilit të ndalet ose të kufizohet rëndë”, tha ai javën e kaluar.

Vendosja e tarifave për importet bujqësore ka ngjallur reagime nga ekonomistët dhe grupet e biznesit, të cilët argumentojnë se politika e Trump mund të çojë në një rritje të çmimeve të konsumit dhe të dëmtojë marrëdhëniet tregtare të SHBA me partnerët kryesorë.

Megjithatë, presidenti amerikan duket i vendosur të çojë përpara axhendën e tij të “nacionalizmit ekonomik”, shkruan The Guardian , duke promovuar mesazhin e vetë-mjaftueshmërisë dhe mbrojtjen e prodhimit vendas si një element kyç të strategjisë së tij ekonomike.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128