English
Luaj me Fjalëkryq
Lajme flash

Përplasja SHBA-Kinë, Trump urdhëron funksionimin e TikTok edhe për 75 ditë

5 Prill 2025, 16:32 / BOTA ALFA PRESS

Përplasja SHBA-Kinë, Trump urdhëron funksionimin e TikTok edhe

Presidenti i Shteteve të Bashkuara, Donald Trump, nënshkroi një urdhër ekzekutiv për të mbajtur funksional TikTok në SHBA për 75 ditë të tjera.

Vendimi vjen si një mundësi për t’i dhënë administratës së tij më shumë kohë për të ndërmjetësuar një marrëveshje.

Urdhri u njoftua pasi zyrtarët e Shtëpisë së Bardhë besonin se ishin afër një marrëveshjeje që shërbimet e aplikacionit të ndaheshin në një kompani të re jo kineze.

“Marrëveshja kërkon më shumë punë për të siguruar nënshkrimin e të gjitha miratimeve të nevojshme. Ne shpresojmë të vazhdojmë të punojmë në mirëbesim me Kinën, e cila e kuptoj se nuk është shumë e lumtur për tarifat tona reciproke,” tha Trump në platformën e tij Truth Social.

Përfaqësuesit e ByteDance bënë të ditur se Kina nuk do ta miratonte më marrëveshjen për shitjen e TikTok derisa të ketë negociata për tregtinë dhe tarifat.

Pekini njoftoi tarifa të gjera për çdo produkt amerikan në vlerën 34% dhe gjithashtu kontrolle mbi eksportet e metaleve.

Një pengesë kryesore për çdo marrëveshje për biznesin amerikan të TikTok është miratimi nga ana e qeverisë kineze.

“Ne jemi ende në bisedime me qeverinë amerikane, por asnjë marrëveshje nuk është arritur dhe të dyja palët kanë ende dallime për shumë çështje kyçe,” tha kompania në një deklaratë në llogarinë e saj zyrtare në platformën kineze të mediave sociale WeChat.

Kongresi amerikan kishte mandatuar që platforma të hiqej nga Kina deri më 19 Janar ose të ndalohej në SHBA për arsye të sigurisë kombëtare, por Trump zgjati afatin pasi ai kërkoi të negocionte një marrëveshje për ta mbajtur atë në funksion.

Trump së fundmi ka pritur një sërë ofertash nga bizneset amerikane që kërkojnë të blejnë platformën sociale.

Bisedimet e udhëhequra nga Shtëpia e Bardhë për të ardhmen e TikTok, i cili përdoret nga rreth 1.7 milionë amerikanë, po bashkohen rreth një plani që investitorët më të mëdhenj jo-kinezë në kompaninë mëmë ByteDance të rrisin aksionet e tyre dhe të blejnë operacionet e aplikacionit në SHBA, raporton Reuters.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128