Lajme flash
Poli Hoxha skanon sulmin ndaj SPAK: Ishin dosjet e peshqve të mëdhenj, një ish-ministër i fuqishëm i PS dhe një oligark!
5 Prill 2025, 23:03 / POLITIKË
Gazetari Poli Hoxha teksa skanonte sulmin kibernetik ndaj Prokurorisë së Posaçme, zbuloi në “Off the Record” nga Andrea Danglli, në A2 CNN, se qëllimi final ka qenë prishja e provave të dosjeve të "peshqve të mëdhenj" të politikës dhe oligarkisë.
Sipas tij një nga tre prokurorët e SPAK, të cilëve u janë vjedhur të dhënat e e-maileve personale, ka qenë duke hetuar ish-ministrin e Infrastrukturës dhe Energjisë në qeverinë Rama, Damian Gjiknuri.
“Ato kanë vlerë e-mailet se është përdorur si metodë pune në SPAK sidomos me grupet e BKH, të cilat njoftojnë me e-mail që bëmë këto hapa, Polin e kemi në vëzhgim, me tjetrin kështu. Ka elementë të rëndësishëm të hetimit, që për ata që i disponojnë do shërbenin për të marrë masa.
Pra çështja është të prishësh prova në kohën e duhur, të marrësh informacionin në kohën e duhur, të kapësh dëshmitarët e mundshëm në kohën e duhur, të fshehësh paratë, letrat etj... Dosjet, të dyja janë që janë marrë si fillim peshq të mëdhenj. Janë çështje që po ndiqen nga dy zonja prokurore dhe një prokuror. Te njëri hetim është çështja e Damian Gjiknurit, ish-ministër i fuqishëm, që po hetohej. Te tjetri biznesmeni Klodian Allajbeu.
Nëse e zgjeron rrethin e të arrestuarve dhe të dyshuarve del një lidhje shumë afër majave të pushteti, jo vetëm me Gjiknurin por edhe me zotin Xhafaj e të tjerë eksponentë të lartë të PS dhe me marrëdhëniet e tyre, të gjitha lidhjet, etj...”, zbuloi Poli Hoxha në “Off the Record” nga Andrea Danglli, në A2 CNN.
Po ndodh...
Bllokazh në Tiranë
Nga Albi Xhunga
ide
top
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128