Lajme flash
Bayern “humbet” dhe Musialan, 5 lojtarë të formacionit në dyshim ndaj Interit
6 Prill 2025, 14:25 / SPORT
Kjo periudhë e sezonit ka qenë gjithmonë shqetësuese për Bayernin e Mynihut, dhe duket se fenomeni i dëmtimeve ka vazhduar, pasi bavarezët po përballen me një numër të madh mungesash.
I fundit që i shtohet listës së lojtarëve të dëmtuar është ylli i mesfushës, Jamal Musiala, i cili gjatë përballjes me Augsburg u detyrua ta braktiste fushën për shkak të një dëmtimi.
Futbollisti do t’i nënshtrohet kontrolleve mjekësore dhe më pas do të konfirmohet gjendja e tij. Me shumë mundësi, ai nuk do të luajë ndaj Interit.
Aktualisht, 5 lojtarë të formacionit bazë nuk janë të disponueshëm. Përveç Musialas, mungojnë edhe Kingsley Coman, kapiteni Manuel Neuer, dhe dy mbrojtësit Dayot Upamecano dhe Alphonso Davies, të cilët kanë mbyllur sezonin.
Po ashtu, ka ende futbollistë të tjerë që nuk janë aktivizuar për shkak të lëndimeve, si Pavlovic, Ito dhe Buchmann.
Pra, në total, 8 futbollistë do të jenë të pamundur për trajnerin Kompany, i cili duhet të përgatisë duelin e vështirë me Interin në Champions League.
Llogaritë për trajnerin belg bëhen akoma më të komplikuara, pasi ai shpreson që ndonjëri nga lojtarët e dëmtuar të rikuperohet për ndeshjen e kthimit, që do të luhet në Milano.
Një avantazh për bavarezët, nëse mund të quhet i tillë, është fakti që sfida e parë luhet në Allianz Arena.
Po ndodh...
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128