Lajme flash
Tronditet Izraeli/ Jo vetëm raketa nga Irani, sulm terrorist në Tel Aviv, 8 të vdekur
1 Tetor 2024, 20:29 / BOTA
ALFA PRESS
Lindja e Mesme është në luftë. Në të njëjtën kohë kur Irani nisi një sulm me raketa kundër Izraelit, një sulm terrorist ka tronditur Tel Avivin.
Në jug të kryeqytetit izraelit, është sulmuar një stacion tramvaji pranë Jaffa rreth orës 19:00. Mediat izraelite raportojnë se dy persona të armatosur dolën nga treni i tramvajit dhe hapën zjarr në drejtim të qytetarëve.
Autoritetet deri më tani kanë konfirmuar tetë të vdekur dhe shtatë të plagosur nga sulmi, me katër prej tyre që janë në gjendje kritike për jetën, raporton A2.
Agresorët janë neutralizuar nga një qytetar dhe një roje sigurie që ndodheshin në vendngjarje dhe hapën zjarr ndaj tyre.
Sakaq, kamerat e sigurisë kanë fiksuar momentin kur dy terroristët dalin nga treni dhe njëri prej tyre mban në duar një armë automatike.
Fillimisht ata gjuajnë një burrë, i cili ishte shtrirë në tokë, ndërsa dhjetëra pasagjerë të tjerë shihen brenda tramvajit të shtrirë në dysheme për t'u mbrojtur nga plumbat, shkruan A2.
Ndërkohë, nuk përjashtohet mundësia që në zonë të jetë i pranishëm edhe një tjetër terrorist , i cili ka si mision mbulimin e dy autorëve. Në vendngjarje ndodhen aktualisht sipas mediave izraelite forca të mëdha policore dhe të Antiterrorit.
Multiple Individuals have been Shot at the Light-Rail Station on Jerusalem Boulevard in Jaffa, in a Suspected Terrorist Attack. pic.twitter.com/UjXriTF8sK
— OSINTdefender (@sentdefender) October 1, 2024
Po ndodh...
ide
Kush e kërkon dhe kush investon te kërkesa për qeveri teknike?
Nga Gjergji Nika
Diplomacia fetare e Turqisë!
Nga Sokol Neçaj
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128