Sejko në konferencën ICEBIT 2025: Transformimi digjital është themeli i ekonomive moderne

Guvernatori i Bankës së Shqipërisë, Gent Sejko, mori pjesë në konferencën ndërkombëtare mbi ekonominë, biznesin, inovacionin dhe teknologjinë (ICEBIT 2025), të zhvilluar në Tiranë.

Në fjalën e tij, Sejko theksoi rolin vendimtar të transformimit digjital për ekonomitë moderne, duke e cilësuar atë si themelin mbi të cilin do të ngrihen shoqëritë e së ardhmes.

“Është kënaqësi e veçantë të jem sot mes jush, në këtë konferencë të rëndësishme ndërkombëtare, e cila bashkon kërkimin akademik me praktikën ekonomike dhe sjell në qendër të vëmendjes një nga sfidat më të mëdha të kohës sonë: mënyrën se si të ndërtojmë ekonomi inteligjente, elastike dhe të orientuar drejt specializimit inteligjent.”

Ai nënvizoi se transformimi teknologjik po zhvillohet me ritme të jashtëzakonshme dhe se vendet kanë nevojë për strategji të reja zhvillimi, ku dijen, inovacionin dhe teknologjinë duhet t’i ndërthurin me politikat publike dhe zhvillimin e kapitalit njerëzor.

“Transformimi digjital nuk është më një opsion, por është themeli mbi të cilin do të ngrihen ekonomitë e së ardhmes. Inteligjenca artificiale dhe automatizimi po krijojnë mundësi të reja për rritje, eficiencë dhe konkurrueshmëri. Për vende me ekonomi në zhvillim si Shqipëria, teknologjia ofron potencial për të kapërcyer kufizimet strukturore, për të ulur kostot e transaksioneve, për të rritur transparencën dhe për të hyrë në tregje të reja më shpejt se kurrë më parë.”

Sejko vuri në dukje arritjen e integrimit të Shqipërisë në Tregun Unik të Pagesave në Euro (SEPA), që prej 7 tetorit 2025, duke e cilësuar këtë si një hap historik për sistemin financiar të vendit.

“Integrimi në SEPA përkthehet në pagesa më të shpejta drejt Evropës, kosto më të ulëta, standarde më të larta sigurie, si dhe më shumë mundësi për tregti, investime dhe shërbime digjitale. Paralelisht, po punojmë për modernizimin e sistemeve të pagesave brenda vendit, për të mundësuar pagesa të menjëhershme dhe të sigurta 24/7, për të nxitur përdorimin e pagesave elektronike dhe për të reduktuar përdorimin e parasë fizike.”

Guvernatori theksoi se inovacioni po ndikon edhe hartimin e politikës monetare dhe monitorimin e stabilitetit financiar.

“Në Bankën e Shqipërisë po aplikojmë modele të përparuara për parashikimin e inflacionit, po përdorim analiza të të dhënave për vlerësimin e rreziqeve në sistemin financiar, po digjitalizojmë mënyrën e marrjes së statistikave dhe të mbledhjes së të dhënave, si dhe po forcojmë transparencën përmes mjeteve të reja të komunikimit publik.”

Në vijim, Sejko vlerësoi rolin e Universitetit të Tiranës dhe akademisë në ndërtimin e kapitalit njerëzor, duke e cilësuar si një partner të pazëvendësueshëm në procesin e zhvillimit.

“Universiteti i Tiranës, dhe veçanërisht Fakulteti i Ekonomisë, përfaqëson një nga qendrat më të rëndësishme të dijes ekonomike në vend. Kërkimi shkencor, partneritetet ndërkombëtare, nxitja e start-up-eve dhe laboratorët e inovacionit janë ura që lidhin teorinë me praktikën dhe akademinë me tregun. Përgatitja e brezave të rinj që kuptojnë ekonominë digjitale, financat moderne, rolin e të dhënave dhe sfidat e tranzicionit të gjelbër është një investim me efekt shumëplanësh për shoqërinë.”

Në mbyllje të fjalës së tij, Guvernatori i Bankës së Shqipërisë theksoi rëndësinë e bashkëpunimit mes institucioneve publike dhe universiteteve, si dhe rolin e konferencave ndërkombëtare në krijimin e ideve të reja.

“Institucionet publike dhe universitetet kanë hapësirë të madhe bashkëpunimi: nga shkëmbimi i të dhënave dhe përfshirja e studentëve në projekte kërkimore reale, te zhvillimi i modeleve të reja analitike dhe ndërtimi i kapaciteteve në fusha si stabiliteti financiar, politikat monetare, sistemet e pagesave dhe edukimi financiar. Konferenca si kjo janë vendi ideal ku lindin ide të reja, ku diskutohen hapur sfidat dhe ku ndërtohen partneritete. Jam i bindur se diskutimet tuaja do të kontribuojnë jo vetëm në literaturën akademike, por edhe në hartimin e politikave dhe praktikave më të mira për ekonomitë tona.”

Po ndodh...

10:52 AKTUALITET

Jepet sot masa e sigurisë për Nevzat Spaho, autorin e dyshuar që për vrasjen e Mondi Mëhallën në Elbasan

10:32 BOTA

A do të ndryshojë e drejta e shtetësisë për fëmijët që lindin në Amerikë? Gjykata e Lartë merr në dorë çështjen

10:18 SPORT

Mund të ketë Shqipërinë kundërshtare në Botëror, trajneri i Holandës: Me një europiane kemi më shumë shanse

10:05 AKTUALITET

Drogë dhe lojëra fati në lokal, arrestohet 39-vjeçari në Vaun e Dejës

09:51 AKTUALITET

Aksion kundër lojërave të fatit në Korçë dhe Pogradec, arrestohen 2 administratorë lokalesh, procedohen 6 persona të tjerë

09:38 AKTUALITET

Tentoi t’i shkatërronte banesën me ekskavator, lirohet nga akuzat italiani që vrau fqinjin shqiptar

09:20 BOTA

Forcat ruse sulmojnë me raketa dhe dronë pranë Kievit, raportohet për të plagosur

09:05 BOTA

Dëmtohet mburoja mbrojtëse e centralit bërthamor të Çernobil

08:43 AKTUALITET

Britania ashpërson masat, shqiptarëve me azil të refuzuar u ofrohen deri në 10,000 paund për t’u kthyer në shtëpi

08:26 BOTA

Paralajmëron diplomati rus: Përdorimi i aseteve të ngrira ruse nga BE do të ketë pasoja serioze

08:19 AKTUALITET

Vranësira dhe reshje shiu, parashikimi i motit për sot

08:12 EKONOMI&SOCIALE

Çfarë po ndodh sot me monedhat e huaja? Ja me sa po blihen dhe shiten dollari dhe euro

08:02 JETË

Horoskopi për ditën e sotme, 6 dhjetor 2025

00:02 SPORT

Kush do të jetë ndeshja e parë e Botërorit 2026?

Dua të lexoj më shumë lajme