Shqipëria drejt marrëveshjes për punonjës të huaj edhe me Indinë

Shqipëria dhe India po përgatiten të formalizojnë një marrëveshje për migracion të rregullt të punëtorëve indianë drejt tregut shqiptar të punës, në një zhvillim që pritet të ndikojë si në sektorin e punësimit, ashtu edhe në atë të turizmit.

Deklarata është bërë nga ambasadori i Indisë në Shqipëri, Ravindra Prasad Jaiswal, gjatë një vizite në Pogradec, ku ai theksoi se bisedimet me Qeverinë shqiptare janë në fazë të avancuar dhe synojnë krijimin e një kuadri të rregullt për lëvizjen e fuqisë punëtore.

Sipas tij, India cilësohet një burim i rëndësishëm i punëtorëve të kualifikuar, ndërsa bizneset shqiptare po i shohin gjithnjë e më shumë ata si potencial për sektorë të ndryshëm ekonomikë. Aktualisht, në Shqipëri janë dhënë rreth 1 mijë e 200 viza pune për shtetas indianë, një shifër që pritet të rritet.

Ambasadori theksoi se po diskutohet një marrëveshje partneriteti që do të garantojë një migracion “të organizuar dhe të kontrolluar”, duke synuar shmangien e problemeve dhe rritjen e transparencës në tregun e punës.

Një tjetër shtyllë e bashkëpunimit mbetet turizmi. Që prej heqjes së vizave në vitin 2020, fluksi i turistëve indianë drejt Shqipërisë është rritur ndjeshëm.

Sipas të dhënave të cituara nga ambasadori, vitin e kaluar kanë vizituar Shqipërinë rreth 30-35 mijë turistë indianë

Në katër muajt e parë të vitit 2025, fluksi është pothuajse dyfishuar krahasuar me të njëjtën periudhë të vitit të mëparshëm

Kjo prirje shihet si një treg i ri me potencial të madh për industrinë shqiptare të turizmit.

Investime dhe bashkëpunim kulturor

Në fushën ekonomike, ambasadori njoftoi se në Shqipëri janë të regjistruara 18 kompani indiane, kryesisht në sektorin minerar, megjithëse aktiviteti i tyre nuk është ende plotësisht i konsoliduar.

Paralelisht, po diskutohet edhe zgjerimi i bashkëpunimit kulturor mes dy vendeve. Në kuadër të 70-vjetorit të marrëdhënieve diplomatike, janë planifikuar aktivitete të ndryshme, përfshirë një ekspozitë fotografike për Nënë Terezën, vizita zyrtare nga përfaqësues të qeverisë indiane, sjellja e një trupe kulturore në Shqipëri si dhe aktivitete artistike edhe në qytete si Pogradeci.

Ambasadori nënvizoi se marrëdhëniet Shqipëri-Indi janë ende në fazë zhvillimi, por me një trend të qartë rritjeje si në turizëm, ashtu edhe në punësim dhe investime. Sipas tij, vitet në vijim pritet të sjellin një prani më të dukshme të Indisë në ekonominë shqiptare.

Po ndodh...

00:00 Fjalëkryq

Skemë e lirë 19 prill

21:59 BOTA

Irani: Nuk jemi gati për bisedime të reja me SHBA-në

21:46 SPORT

Derbi i kryeqytetit pa fitues, Dinamo dhe Tirana ndajnë pikët

21:23 AKTUALITET

“Më ke shkatërruar jetën këto 15 vite”/ Vrau ish-bashkëshorten, partnerin e saj të ri dhe veten, zbulohen detajet e reja nga krimi makabër në Itali

21:14 KOSOVA

27 vite pa asnjë informacion për trupin e pajetë të djalit të tyre! Familja Dauti e politikanë rivarrosin 9-vjeçarin që u vra nga forcat serbe në 1999

20:56 BOTA

Analiza/ Ngushtica e Hormuzit mbetet në qendër të konfliktit në Lindjen e Mesme

20:37 SPORT

Partizani, trajneri Kërnaja: Vlerësoj Bylis, pres shumë nga skuadra

20:15 AKTUALITET

Tubimi i opozitës, ky është spraj me piper i përdorur nga efektivët për të shpërndarë protestuesit

20:00 POLITIKË

Nga Antalia, thirrje për një Ballkan më të lidhur: paqja kërkon bashkëpunim të përditshëm

19:48 SPORT

Te Flamurtari shpresojnë përsëri, Bintsuka: Nuk ishte e lehtë të fitonim në fushën e Egnatias

19:31 BOTA

Terror në Kiev! Një person qëllon mbi turmën e kalimtarëve, 6 të vdekur, merr edhe pengje

19:19 SPORT

Barcelona dhe Flick bëhen të pandashëm, klubi ka gati kontratën e re për strategun gjerman

19:01 BOTA

Macron: Vritet një ushtar francez në Liban! Hezbollah përgjegjës për sulmin

18:41 AKTUALITET

EMRAT/ E rëndë në Itali! 59-vjeçari shqiptar vret ish-gruan dhe partnerin e saj! Më pas vetëvritet

Dua të lexoj më shumë lajme