Lajme flash
Aksident në Rrugën e Arbrit, përplasen dy automjete, plagosen dy drejtuesit
2026-11-03 09:25:00 / AKTUALITET
Një tjetër aksident rrugor është regjistruar në orët e para të mëngjesit në aksin që lidh Matin me Rrugën e Arbrit, në fshatin Fshat të Klosit.
Një automjet tip “Benz” dhe një “Volkswagen” janë përplasur pak metra larg rrethrrotullimit të Rrugës së Arbrit. Përplasja ka qenë e fortë, duke shkaktuar dëme të konsiderueshme në të dyja automjetet. Si pasojë, kanë mbetur të lënduar dy drejtuesit e mjeteve, të cilët ndodhen jashtë rrezikut për jetën.
Ky është një tjetër aksident në këtë segment rrugor, ku vetëm dy ditë më parë u regjistruan tre përplasje brenda një harku kohor prej 30 minutash.
Drejtuesit e mjeteve ngrenë shqetësimin për sigurinë në këtë aks, duke deklaruar se në ditët me reshje shiu asfalti bëhet shumë i rrëshqitshëm, duke e kthyer rrugën në një “pistë patinazhi”. Sipas tyre, shkak është sipërfaqja tepër e lëmuar e asfaltit.
Që prej ndërtimit të këtij aksi janë regjistruar dhjetëra aksidente, kryesisht në ditët me lagështirë, kur automjetet kanë vështirësi në frenim dhe humbasin kontrollin për shkak të rrëshqitjes.
Po ndodh...
ide
Mussolini, Rama and their collaborators who know a lot!
Nga Irena Beqiraj
The System's Tricky Dice: Rama and Berisha, or Edi and Saliu!
Nga Eva Idrizllari
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128