“Janë paguar nga krimi i organizuar dhe forca të huaja”/ Rama sërish gjyq publik protestuesve: Këta nuk janë studentë

Kryeministri Edi Rama ka lëshuar akuza të forta ndaj Partisë Demokratike, duke e cilësuar si iniciatore të dhunës së ushtruar pranë Ministrisë së Arsimit gjatë protestave studentore. Në një deklaratë publike, kreu i qeverisë e ka quajtur PD-në “glasa mbi tortë”, ndërsa ka pretenduar se personat e përfshirë në përplasjet me policinë janë financuar nga krimi i organizuar dhe forca të huaja.

Rama deklaroi se Partia Demokratike ka marrë autorësinë e nisjes së dhunës pranë Ministrisë së Arsimit, duke paralajmëruar publikimin e pamjeve që, sipas tij, do të tronditin opinionin publik. Kryeministri pretendoi se personat e shfaqur në këto pamje nuk janë studentë, por individë që nuk kanë lidhje me protestën paqësore të të rinjve. Ai tha se identiteti i tyre është mbuluar në respekt të ligjit, ndërsa shtoi se bëhet fjalë për persona të ndaluar nga policia, duke u bërë gjyq publik.

Në vijim të akuzave, Rama pretendoi se individët e përfshirë në dhunë janë paguar nga krimi i organizuar dhe forca të huaja, me synimin për të përmbysur rendin në vend. Megjithatë, në deklaratën e cituar nuk përmenden emra konkretë apo prova që mbështesin këto pretendime.

“Forca e ardhur nga jashtë, qershia mbi tortë, ose më saktë glasa mbi tortë, është PD. Dje PD mori autorësinë e fillimit të dhunës te Ministria e Arsimit. Do të ndaj me ju pamje që do të trondisin më shumë se ju shumëkënd. Për arsye se është ruajtur identiteti i personave në respekt të ligjit. Të gjithë personat që do të shihni janë subjekt dhe objekt i sulmeve. Janë persona të ndaluar nga policia. Nuk janë studentë, janë diçka tjetër.

Nuk i përkasin dhe nuk kanë asnjë lidhje me ata studentë që nuk i janë bashkuar kësaj dallge terrori urban, por që qëndrojnë në atë protestë paqësore, të lidhur me jetën e tyre të përditshme. Duan të më imponojnë mua që të shkel kontratën me shqiptarët. Çdo koment është i tepërt nga ana ime.

Mjaftojnë çehret, pavarësisht fshehjes së identitetit, që mund të jenë pjesë e një përfaqësie të një bote të zymtë, karrierat e këtyre individëve, që janë paguar nga krimi i organizuar dhe forca të huaja. Duan ta kthejnë përmbys edhe një herë rendin. Këta nuk janë studentët. Tani është koha që fjalia të mbështetet nga faktet dhe dokumentet”, deklaroi Rama.

Po ndodh...

11:36 AKTUALITET

Vijon bojkoti në Universitetin e Korçës, studentët edhe sot në protestë

10:38 AKTUALITET

I shkulën nga frika e protestuesve, rikthehen gurët te Bulevardi para Kryeministrisë

10:13 POLITIKË

Aktivisti shqiptaro-amerikan thirrje SHBA dhe BE të ndërhyjnë për një qeveri teknike: Rama po mban vendin peng

10:00 POLITIKË

Rama në Vilën e Kuqe, mbledh ministrat dhe drejtuesit politikë të PS për dorëheqjet e drejtorëve

09:46 EKONOMI&SOCIALE

Një histori përtej tumorit: Shëndeti, jeta dhe siguria financiare

09:33 POLITIKË

PS kërkon përjashtimin e 20 deputetëve të PD-së, mblidhet sot Sekretariati i Etikës

09:21 POLITIKË

More trouble for Ron Yeffet, his bank accounts in the US are being requested to be opened

09:19 AKTUALITET

I dogjën makinën 50-vjeçares, arrestohen dy persona në Vlorë, njëri dyshohet si porositës

08:39 EKONOMI&SOCIALE

Euro bie përsëri, i afrohet më shumë kufirit të 90 lekëve

08:30 POLITIKË

Nga Tatimet e Doganat te KESH, ARRSH e OST! 19 drejtorët e rëndësishëm që preken nga urdhri i Ramës për dorëheqje

08:16 AKTUALITET

Kushte atmosferike të paqëndrueshme, parashikimi i motit për këtë të premte

08:03 JETË

Horoskopi Ditor E Premte 23 Tetor 2026

00:05 FJALEKRYQI

Free scheme October 22

00:05 SPORT

Egnatias i shpëton fitorja nga duart në Danimarkë, por mbetet e pamposhtur në Conference League

Dua të lexoj më shumë lajme